"Ay Maui, kayawmo 'toy pusok, sagudaymo a napnoan libnos. Sika ti let-ang a naimnas, talimengka daytoy kararuak..." iti kanta ni Vhen iti panangiladawanna ti Isla ti Maui...

Request and Dedication: "Manipud ballasiw ti taaw, diak koma umadayo. Tapno ep-epek 'toy araraw kayawmo nagpaiduma, O Maui."

"Kadagiti playa ti Wailea, kastilio a darat bangonenta. Sang-atek Bantay Haleakala, tan-awan bulkan a naranga..."

"Iti lansangan ti Wailuku, nagameng ti kinalasbangmo. Iti kamuyongan ti Hana, agpurosta iti orkidia."

Ala ngarud kailian, no adda planoyo a mangpasiar ti pagdindinnamagan a "Best Island in the World- Maui," denggen ti kanta a "Maui" babaen ken ni Vhen Bautista, ti Prince of Ilocano Songs.

Sinurat ni Reynaldo Duque ken musika ni Avelino Bautista manipud iti album a "Kayaw ti Hawaii, Volume I."

Ti video clip a naaramat ket adda pammalubos ti RM Video Productions babaen ken Rey "Boboy" Patao.