Pammakada ken Panagsubli

Request and Dedication: "Dimon paspasungaden ti isasangpetko, ta diakon makasubli nga agnaed dita sidongmo. Ipapasmon ti agsangit. Ibubusmon ta lulua, ta inton makadayoak ipamaysamton ti agliwag.

Nadlawkot' arimpadekmo a nagtarus iti ridaw. Simbu iti panunotko inyebbetmo a pakdaar. Ngem no pampanunotek, apagdarikmat la gayam. Naglakakan a nauma, apay, Biagko, sawem man?

Bay-am ta biagek ti namnama a manapaya nagkasingin a riknata. Ngem no kas pagarigan ta pumanawkanto manen, addanto pagituredko a manguray ti panagsublim..."

Intay' man imdengan daytoy makaabbukay a kanta da Andrea Baptista ken Florencio Galam, Jr. a "Pammakada ken Panagsubli."


PAMMAKADA KEN PANAGSUBLI
Pinagsilpo ni Phallus55
a kanta da 
Andrea Baptista ken Florencio Galam, Jr.

Dios ti Agbati Kenka...
[Andrea Baptista]
Daytoyen ti oras
ti ipapanawko
dawatek ta nalawag
a pammalubosmo

Dimon paspasungaden
ti isasangpetko
ta diakon makasubli
nga agnaed dita sidongmo

Ipapasmon ti agsangit
ibubusmon ta lulua
ta inton makadayoak
ipamaysamton ti agliwag

Dinak laglagipenen
ta ditan makapagkadua
naikeddengen ti papanak
agbaniagaak nga agmaymaysa

Aldaw ti Panagpakadam...
[Florencio Galam, Jr.]
Nadlawkot' arimpadekmo 
a nagtarus iti ridaw
simbu iti panunotko
inyebbetmo a pakdaar

Dimtengen ti kanito
nga inka ipapanaw
Dios ti kumuyog kenka
bareng agkitatanto pay

No pindaek a lagipen
di nasam-it a naglabas
kasla awan ti pagmurdongan
di tinubayta nga ayat

Ngem no pampanunotek
apagdarikmat la gayam
naglakakan a nauma
apay biagko sawem man

Diak man la impagarup
a narukop ta ayatmo
nagtalekak unay kenka
ginundawayam 'toy pusok

Sawem man kaniak ti pudno
no ania't nakabasolak
uray dinak mapakawan
no agsinata a nalawag

Kunam a lipatenka
wen lipatenka ngaruden
pudno a kasta la ni gasat
wen manubsubok laeng

Aldaw ti panagpakadam
ep-epek 'toy ladingit
ammok nga agkitatanto pay
iti bangir ti ulep

Aldaw ti panagsublim...
[Andrea Baptista]
Bay-am ta innak man pasungaden
nagasat nga aldaw ti panagsublim
tapno baliwanta a patuboen
daydi ayan-ayat a nabaybay-anen

Lipatek di panaginnadayota
ken kanito a panagpinpinnasakitta
ibilangkon a paset dayta ti kalman
nalpasen ti nalpas
pinnasugnod lipatentan

Bay-am ta biagek ti namnama
a manapaya nagkasingin a riknata
ngem no kas pagarigan
ta pumanawkanto manen
addanto pagituredko
a manguray ti panagsublim

Biagek ti lagip ti napalabas
di kanito kasasam-itan ni ayat
ta bareng no nalaglag-anton daytoy nakem
a suma gapu kenka/*a manguray ti panagsublim
iti aldaw ti panagsublim