Ama, nairanta a kaasmang ni Ina a tarabay nga inted ti Namarsua..." manipud ken ni Vhen Bautista

Request and Dedication: "Di mabukel ti maysa a pamilia no awan ti sarikedkedna, tay kanayon a mangtapaya, mangyal-alikaka no adda didigra. Addaan natibker a pakinakem iti ania man a pannubok ti dumteng. Dina samiren, bannogna dina idendaneng. Di pulos mapukawan namnama aramidenna't kabaelanna. Itedna ti pagrebbenganna iti kapisi ken dagiti annakna... Ama, naidumduma unay a parsua. Nairanta a kaasmang ni ina a tarabay nga inted ti Namarsua..."

Manipud iti studio ti "Sika A Musika 'Toy Pusok," sipapanakkel a maisagut daytoy napnoan kaipapanan a kanta ni Vhen Bautisata, ti Prince of Ilocano Songs "AMA" kadagiti amin nga Amma ti lubong. 

Saludoandakayo Ama iti kinadakkel nga akemyo iti pamilia. "Happy Father's Day!"

Naadaw manipud iti album a "Filipinas, Gamengka 'toy Pusok."

"Sika laeng ti linaon 'toy parparmatak, daytoy pusok sika't inna iyar-arasaas..." kasta ti panangiladawan ni REMA ZOLETA iti napalaus unay nga iliwna...

Request and Dedication: "Filipinas, no mabalin tumayabak, tapno 'toy iliwko kenka umayko ipapas. Sika laeng ti linaon 'toy parparmatak, daytoy pusok sika't inna iyar-arasaas..." kasta ti panangiladawan ni REMA ZOLETA iti napalaus unay nga iliwna nga agawid iti pagilian a nakayanakanna iti bukodna a bersion ti kanta a "FILIPINAS." Ni met la VHEN BAUTISTA, ti Prince of Ilocano Songs, ti akin-putar, ken nangasibay ken ni Rema iti panakakanta ti Filipinas.