Ay, kastoy ti Biag ti Hawayano tapno ammoyo...

Request and Dedication: BIAG NI HAWAYANO [Ilocano Song]
                                  Norbie Quiambao

"Bannuarka OFW, mabigbig unay dagiti adu a sakripisio. Saludarannakat' pagilian dakkel maibadangmo. Mangital-o ekonomiat' pagiliantayo..."

Request and Dedication: 

"Nupay saan amin a bimmallasiw ket nagsayaat, adda met napaay adda met rimmang-ay. Nabukel OFW tapno adda mannaranay tumulong dagiti di nagballigi ken napaay..."

"Bannuarka OFW, mabigbig unay dagiti adu a sakripisio. Saludarannakat' pagilian dakkel maibadangmo. Mangital-o ekonomiat' pagiliantayo..."

BANNUARKA OFW
Main Vocals- Norbie Quiambao and Various Artists
Recorded at AVP Recording Studio
Recording/Mixing by Israel Allen Pascua

Ngem iti kanta ni Norbie Quiambao a "Biag ti Hawayano" kunana: "Dida la ammo a nagguutangka iti bangko, ikaramutamto manen a bayadan ti inutangmo." Tsk, tsk! Kasta man met, aya? Ala Apo Hawayano, dika agpangpangas no inka agbakasion ta dikanto ket agkalbo iti katratrabaho. Hehe!

Request and Dedication: Piman, kastoy man met aya ti biag ni Apo Hawayano no agbakasion iti Filipinas. Isaltekna't pumaala ken pumadaya. Kasla agayus nga ubbog iti painumna. Paalaanna pay ti intero a bumario. Ngem iti kanta ni Norbie Quiambao a "Biag ti Hawayano" kunana: "Dida la ammo a nagguutangka iti bangko, ikaramutamto manen a bayadan ti inutangmo." Tsk, tsk! Kasta man met, aya? Ala Apo Hawayano, dika agpangpangas no inka agbakasion ta dikanto ket agkalbo iti katratrabaho. Hehe!

BIAG NI HAWAYANO

ni Norbie Quiambao

Ay, kastoy ti panagbiag ni Apo Hawayano

Ti ammoda nanam-ay ti biagmo

Dida la ammo adu met a sakripisiom

Iti inaldaw, Gayyemko,  a panagtrabaho

Iti binigat sapaennan tay bumangon

Agrubbuatkan isaganam tay balonmo

No dika makamaneho wenno awananka tay karro

Gam-udenmon tay bus para alas singko

Ay biag, biag ni Hawayano 

Agtrabaho tapnon adda met doliarmo

Ay biag, biag ni Hawayano

Isebbam ta bagim iti trabaho

Inton bumakasionka, Apo Hawayano,

Isaltekmonto pumaala-pumadayakanto

Kasto la agayus nga ubbog ti painummo

Dida la ammo nagguutangka iti bangko

Inton bumakasionka, Apo Hawayano,

Paalaamto ti intero a bumario

Inton agsublika iti Hawaii, Gayyemko,

Ikaramutamto manen a bayadan tay inutangmo

Ay biag, biag ni Hawayano
Isebbam ta bagim iti trabaho
Ay biag, biag ni Hawayano
Agkalbon iti katratrabaho...

Nagpapaay pay a kas radio announcer ni Norbie Quiambao, dramatista, kompositor iti Ilocano a kanta, recording artist, kdpy. Malagip a pimmusay ni Norbie itay kallabes. Dios ti kumuyog kenka, pagayamko!

Request and Dedication: Kadagiti pada a nangisit ti sikona a naayat a mangdengdengngeg kadagiti Ilocano Songs ni Norbie Quiambao, kayatko man nga idedikar dagitoy a kankanta kadakayo papagayam. Ket kas panglagip ken pangraem iti maysa kadagiti kaasitgan a pagayamtayo ni Norbie, ken am-ammo pay a kas Willie Nepomuceno ti Amianan, isagsagut ti "Sika A Musika 'Toy Pusok" ti kanta a "Manang Biday."

Maysa ni Norbie Quiambao kadagiti kalatakan a kumakanta iti Ilocandia. Pinaglatakna dagiti kanta a kas iti "Mr. Par," "Balasang a Mabaketan," "Tindero," "Manok ni Kumare," "Agasawa di Ang-angaw," "Maysa a Baro," "Sangsangitak ti Gasatko," "Baro a Baak," "Agtartaraok nga Agurong," ken "Agmalmalen, Agpatpatnag."

Naglatak pay ni Norbie iti Ilocandia gapu iti talugadingna a mangtulad iti boses da Presidente Ferdinand Marcos, Presidente Fidel V. Ramos, President Joseph Estrada, William Martirez, ken adu pay a boses dagiti nalatak a Filipino nga artista.

Nagpapaay pay a kas radio announcer ni Norbie, dramatista, kompositor iti Ilocano a kanta, recording artist, kdpy.

Malagip a pimmusay ni Norbie itay kallabes.

Dios ti kumuyog kenka, pagayamko!

"Kastoy gayam ni Ayat no isu't kaumaam. Sabidongnak payen no siak tay mabuybuyam..." kasta man ti panangipeksa ni Norbie Quiambao iti nalaus a sakit ti nakemna iti kanta a "Nadesgrasia ni Ayat."

Request and Dedication:  Manipud iti studio ti 'Sika A Musika 'Toy Pusok,' isagutna kadakayo ti sabali pay a kanta ni Norbie Quiambao, kanta a napauloan "NADESGRASIA NI AYAT."

Dagiti modelo iti video clip, Suzette ken Ian. Naala ti video iti Villa Margarita Resort, Bayombong, Nueva Vizcaya, ken babaen iti imbag nakem ti Precision Video/Audio Service, Inc.

"Nadesgrasia nia Ayat, agan-anoak kadin? Diak ipilit 'toy bagik no diak kenka maikari. Ta du nga apas, ken adu nga umsi. Nagayatka gayam saka ket nagbabawi..."

"Kastoy gayam ni Ayat no isu't kaumaam. Sabidongnak payen no siak tay mabuybuyam. Ngem idi un-unana nga aldaw no dinak makita, agarubos ta luluam ket siak tay sangsangitam..."

"Ta uray binaybay-annak nga inwaksi, ayatko di malpes ta nalpaskon nga inkari..." masmasnaayan unay ti puso ni Norbie Quiambao iti kanta a "Dinak Kad Dildillawen."

Request and Dedication:

Ti kanta a "Dinak Kad Dildillawen" ket pinaglatak nga immuna ti The King of Ilocano Songs, Bobby Gutierrez. Iti baro a bersion, kinanta ni Norbie Quiambao, maysa a maipannakkel nga Ilocano Singer iti deppaarna ti amianan. Karaman iti video da Angie and Ramon a kas modelo ti nasao a kanta. Naala ti video iti Sheila's Resort, idiay Solano, Nueva Vizcaya. Nabulod ti video babaen iti imbag nakem ti Precision Audio/Video Service Inc., Virra Malls, Greenhills, San Juan, MetroManila, Philippines.

"Dinak kad dildillawen, O, Naraniag a bituen. Ta ipaspasarayko kenka ti agsublisubli. Ngem no ranggasmo kaniak ti di la agati, no lipatenka't kunam, ay nalaklaka kadi..."

"Ay wen sapay ta dikanto agbabawi, no iti dawelmo daytoy nakakaasi. Ta uray binaybay-annak nga inwaksi, ayatko di malpes a ta nalpaskon nga inkari."

"Langlangoyek idiay taaw ni tuok a mangnibi. Ta no iti pagtaengak, taraonko ni bibit. Pamrayko't agtapaya nangruna no iti rabii. Ta kas ko la sapsapulen daydi nagkari.

"Padasek man pay ti agayat itan ta diak pay matay. Bareng ta pusom, ay-ayennakto pay," kasta ti panangipeksa ni Norbie Quiambao ti kaririknana iti balasang nga ay-ayatenna. Denggen ti panagtapat ni Norbie iti kanta a "Malaglagipka Laeng," kanta a pinaglatak ni Bobby Gutierrez

Request and Dedication: "Malaglagipka laeng, diak mailiwliwag dayta sudim. Agsapsapulak sabali a pagduyosak ngem awanen...."

"Sadsadnaka 'toy ayat no maikariak nga aklonem. Allon ni Gasat sagudayko tungpal tanem..."

"Padasek man pay ti agayat itan ta diak pay matay. Bareng ta pusom, ay-ayennakto pay. No saan laeng, anianto kad pay? Bumabaakto tanem a sililiday."

Ala pada a babbaro, kastoy kadi ti panangipeksayo ti panagayatyo kadagiti ay-ayatenyo iti biag? Ammuen daytoy naidaklan unay a panagayat ni Norbie Quiambao ken ni ading balasang iti kanta a "Malaglagipka Laeng." Daytoy met la a kanta ti immuna a pinaglatak ni Bobby Gutierrez, ti nabirngasan a "King of Ilocano Songs."

Nabulod ti video babaen iti imbag nakem ti Precision Video/Audio Service Incorporated. Ni Janette ti modelo iti nasao a video, ken naala iti Sheila's Resort, Solano, Nueva Viscaya.