Piman daytoy Manong Baro, ta tumartaredted kano ti naruay a luana gapu ta pinaglikudan ni Ading Balasang ti karina kenkuana. Ala, intay man ketdi denggen ni Jonathan Badon iti daytoy a kanta "Karim Idin..."

 Request and Dedication: "Karim idin a dinakton lipaten, libnos ta pusom siakto't mataraken..."

Piman daytoy Manong Baro, ta tumartaredted kano ti naruay a luana gapu ta pinaglikudan ni Ading Balasang ti karina kenkuana. Ala, intay man ketdi denggen ni Jonathan Badon iti daytoy a kanta "Karim Idin..."

KARIM IDIN

ni Jonathan Badon

manipud iti Album a "Sika" [Ikaw]- Songs for the Ilokano Heart

Karim idin a dinakton lipaten

Libnos ta pusom siakto't mataraken

Nagsam-iten no inka balbaliksen

Kukuam daytoy pusok ingga't tungpal tanem

Ay, asiak pay nga aglak-am ladingit

Naruay a luluak tay tumartaredted

Naglikudamon ti adu a karkari

Kinapudno nga ayatta ang-angawmon sa laeng

Biagko, apay a binaybay-annak

Rigat-tuok tantanabutob

Toy agdama a kalak-amak.

Di pay la ngamin aya mapunas

Toy kakaisuna nga ayatko

Banagna't daksanggasat

Di pay la ngamin aya mapunas

Toy kakaisuna nga ayatko

Banagna't daksanggasat

Ket gapu't napalaus a panagayatna ken Ading Balasang, intedna't wayawaya kenkuana ta ammona nga isu't inna pagragsakan. Ngem maliklikan kadi ni Manong Baro ti di masaktan? Ala, intay' man ngarud imdengan ti panangipeksa ni Jonathan Badon ti kaririknana iti daytoy napnoan kaipapanan unay a kanta nga "Uray Man."

Request and Dedication: Uhu! Makapaliday man iti rikna daytoy panangipudno ni Manong Baro ti madmaldawna iti ay-ayatenna. Kunana a "Timmamnayen ti panagayat ni Ading Balasang kenkuana. Dati, nakair-irut ti arakupna kenkuana. Ngem itan, naglukayen?"  

Ket gapu't napalaus a panagayatna ken Ading Balasang, intedna't wayawaya kenkuana ta ammona nga isu't inna pagragsakan. Ngem maliklikan kadi ni Manong Baro ti di masaktan?

Ala, intay' man ngarud imdengan ti panangipeksa ni Jonathan Badon ti kaririknana iti daytoy napnoan kaipapanan unay a kanta nga "Uray Man."

URAY MAN

kinanta ni Jonathan Badon

manipud iti album a "Sika [Ikaw]," Songs for the Ilocano Heart.

Awanen ti innak pinarmatan

Adda palimed tunggal balikas

Uray agleppak madlawko ta tigtignay

Timmamnayka ti panagayatmo kaniak

Arakupmo sigud a nairut

Apay ngay a naglukay 'tattan

Lumlumgak kadi daytoy ayan-ayatta?

Diak met malapdan a luak ken masaktan...

Saanko a tarigagay ti maisina dita dennam

Ngem itedko't wayawayam no dayta ti pagragsakam

Lagipem koma daytoy pammateg uray man pay no agpakadaka

Dungdungngoenkanto ingga't tungpal tanem

Lumlumgak kadi daytoy ayan-ayatta?

Diak met malapdan a luak ken masaktan...

Saanko a tarigagay ti maisina dita dennam

Ngem itedko't wayawayam no dayta ti pagragsakam

Lagipem koma daytoy pammateg uray man pay no agpakadaka

Dungdungngoenkanto ingga't tungpal tanem

Dungdungngoenkanto ingga't tungpal tanem...