"No sidsida't pagsasaritaan, dayta'y ammok isu't kaimasan "Pinakbet" ti Kailukoan ni Raymunda "Raye" Lucero

Request and Dedication: "No sidsida't pagsasaritaan dayta'y ammok isu't kaimasan, pinakbet ti Kailukoan, masustansia ken nananam. Namnamaek nga inkay magustoan, pakbet nga ipangan. Maragsakan uray sinno nga addaan sentimiento..."

"Ti pinagluto ti pinakbet inkay laeng paglalaoken. Tay tarong, paria, ken okra, utong ken bassit a laya. Ikkanyo met iti bugguong, baboy wenno chicharon. Uray inaldaw nga aglutoka iti pinakbet dikay' mauma..."

Aysus! Ne, dagiti pada a saluyot ken pada a nangisit ti sikona, 'maykayon, Kakabsat, ta pagraramanan ti maidasar a luto ni Raymunda "Raye" Lucero a PINAKBET, maysa nga Ilocano Original Composition. Agpayso, awan ti panakauma uray inaldaw a kastoy ti masida.

Ala ngarud bayat ti pannangan. Ikumpas dagiti saka iti ayug ti tokar, ikinni ti siket, ikumintang dagiti ima ket agsala...