Kasanon no nailaw-anka iti maysa a pasamak a dimo kakaayatan? Saan kadi a karbengam met ti mangisalakan ti bukod a biag? Adda kadi ragsak ti biag iti sidong ti naulpit a rehas? Ala, intay man takkuaten iti daytoy napnoan kaipapanan ken kinadaksanggasat a gasat ti kakaisuna a Prince of Ilocano Songs, Vhen Bautista, iti kanta a "Rehas."

Request and Dedication: Kasanon no nailaw-anka iti maysa a pasamak a dimo kakaayatan? Saan kadi a karbengam met ti mangisalakan ti bukod a biag? Adda kadi ragsak ti biag iti sidong ti naulpit a rehas?

Ala, intay man takkuaten iti daytoy napnoan kaipapanan ken kinadaksanggasat a gasat ti kakaisuna a Prince of Ilocano Songs, Vhen Bautista, iti kanta a "Rehas."

REHAS

[Benny Guiang Rieta]

Kinanta ni Vhen Bautista

Naadaw iti album a "Musika ni Vhen Bautista, Agpaay Kenka"

Naipasngayak ditoy lubong a daksanggasat

kunak daytoy ta kas man la kasinginko't malas

um-umkis man toy kaunggak gapu't kalak-amak

ania ketdin daytoy a kinadaksanggasat

Awan ngatan ti namnamak nga agragsak

nasaysayaat pay ketdin a magudas daytoy biag

agsangsangit toy kaunggak gapu't kalak-amak

napukawko't wayawayak tungpal biag

Diak man kayat a kastoy ti pagtungpalak

ngem kas man la daytoy ti ipaypayapay ni gasat

ti agnaed ditoy likud ni naulpit a rehas

agbibiagak ngem awan wayawayak

Apay a kas man la mailanglangiak

sipud nakautangak iti biag?

Diak met nagay-ayatan dayta a pasamak

ngamin karbengak mangisalakan toy bukod a biag

No daytoy ti naikari a pagbanagak

an-anusak ania ngarud ket nailaw-anak

ti agnaed ditoy sidong ni naulpit a rehas

a nanglapped wayawayak tungpal biag

-ti agnaed ditoy sidong ni naulpit a rehas

a nanglapped wayawayak tungpal biag

Ay, kitaem man 'toy nagbanagan 'Toy nakakaasi unay a bangkay. Saludsodenda kaniak no basolko't umar-araraw. Saan kunak, Biagko, a ta kalinteganna ngad unay. Kasta man ti balikas nga iyas-asug ni Vhen Bautista, ti Prince of Ilocano Songs, iti paset ti kanta nga "Inton Angeskon ti Magsat." Ala man ngarud, imdengantayo man no ania pay ti kayatna nga ipudno iti ay-ayatenna unay a dayag.

Request and Dedication:  "Imdengam, ala, nasudi unay a Nenang, siak nga umas-asug dita sadiam. Imutektekam 'toy pabitibit kenka, 'toy nakakaasi unay nga ayat...

Ket dikanto koma agbabawi no inton angeskon ti magsat ta awanton ti serserbina ta nalpasakto metten a napasag...ket, ammomto metten ti pateg 'toy ayatko kenka...."


Kasta man ti balikas nga iyas-asug ni Vhen Bautista, ti Prince of Ilocano Songs, iti paset ti kanta nga "Inton Angeskon ti Magsat."


Ala man ngarud, imdengantayo man no ania pay ti kayatna nga ipudno iti ay-ayatenna unay a dayag.



INTON ANGESKON TI MAGSAT
Sung by Vhen Bautista
From the Album
"Lamina ni Bobby Gutierrez, Dinto Aglumen"
Released by BMG Records


Imdengam kadin, O, nasudi a Nenang. 
'Toy umas-asug kadagita sadiam. 
Pagtalnaem ta panunot ta tapnon maimutektekam. 
'Toy pabitibit kenka a nakakaasi unay.


Inton angeskon ti magsat 
Ammomton ti pateg ni ayat. 
Ngem awanto't serserbinan a ta nalpasakto metten a napasag. 
Ket itinto balonek iti tanemko a liwliwak iti diak kenka ilibak a panagayat. 


Ay, kitaem man 'toy nagbanagan 
'Toy nakakaasi unay a bangkay. 
Saludsodenda kaniak no basolko't umar-araraw. 
Saan kunak, Biagko, a ta kalinteganna ngad unay.


Ngem iti rikut ni ayat no pampanunotek. 
Barukongko ti dumagsen ket kasla agkupit. 
Rangtayam kadin ta tapnon kaasi met a malmes. 
Iti alinuno ni dawel a manginebneb


 

LA All Star Singers Non-Stop Ilocano Medley "Inton Agkasarak" ken dadduma pay...

Request and Dedication: 

 

Makaabbukay latta iti rikna dagitoy a kankansion ti kalman. Adun ti nagluposanen ti panawen, ngem saanto latta a mapugas dagiti kaduogan a kankanta nga Ilokano, a dagitoy a kanta ti mangiladawan ti pudno a kultura, kabibiag, ken karirikna ti maysa a patneng nga Ilocano

 

Ala, intay man imdengan ti kansion dagiti LA All Star Singers iti Non-Stop Ilocano Medley # 2.

Adun ti nagluposan ti panawen, ken adu metten nagbaliwan dagiti kankanta nga Ilocano. Ngem dinto latta paatiw dagiti kaduogan a kankanta ni Ilocana a mangiladawan ti pudno a kultura ken kabibiagna.

Request and Dedication: Adun ti nagluposan ti panawen, ken adu metten nagbaliwan dagiti kankanta nga Ilocano. Ngem dinto latta paatiw dagiti kaduogan a kankanta ni Ilocana a mangiladawan ti pudno a kultura ken kabibiagna. 

Intay man ngarud ukagen ken ipatangatang iti ere tapno mataginayon dagitoy napnoan kaipapanan a kankansion ti kalman. 

Imdengantayo man ngarud dagiti LA All Star Singers iti panangkantada dagiti nalatak a kankansion ti kalman a napagtitipon.

Sika Ti Balikas A Nailaga Iti Kantak- Panglagip iti maysa a nasinged a pagayam...

Request and Dedication:

PANGLAGIP ITI MAYSA A NASINGED A PAGAYAM. -Nupay narigat nga akseptaren ti pannakapukaw iti maysa a nasinged a pagayam, masapul nga awaten koma ti kinapudno ta kasta a talaga ti panagkurri ti biag. Ditayo pulos mabalusingsing ti naisangrat a plano ti Dios kadatayo. Ti biag, binulodtayo ket rumbeng nga isubli 
no nadanonanen ti oras wenno tiempo a panangipulang. 

Ngem no dadduma, iti kasta unay a sakit ti nakem wenno rurodtayo, madakamattayo pay a pabasolaen ti Namarsua ket kunaentayo: "Apay nga Isuna? Nagsingpet a tao, di koma dagiti managbasol ti matay? Ngem adu dagiti plano ti Dios para iti tunggal maysa kadatayo. Adu dagiti insagana ti Dios a para met laeng iti pagsayaatantayo, ngem isuna laeng ta ditayo ammo no ania dagita. Ta agpayso, adda dagiti immun-una ngem isuda met ti maudi. Ket adda met dagiti naudi nga isuda met ti mapapauna... Bayat iti panagmanto ti puso dagiti naulila, ti ipapatay isu't pangrugian ti biag nga agnanayon. 

Biag a saanton a pulos a marikna ti sakit, sagubanit wenno saem, wenno awanton ti nababa wenno nangato, wenno awanton ti agsagaba pay iti rigat wenno adda agnamnam-ay, wenno pakakitaan iti kinakurapay wenno kinabaknang- no di ket agpapadanto amin a tattao; nangisit, puraw wenno kayumanggi iti imatang ti Dios. Ta ti Dios a mismo ti mangukomto iti tunggal maysa kadatayo segun iti inaramidna.  

[rudy/abril.2012.ditoy.maui]

"Saan, saan a rumbeng a duakami dita pusom. Agpilika: siak wenno isu? Ibagam Biagko, siasinno kadakami ti ipatpategmo? Siasinno't inka indaddaduma?" Asino ngata ti pilien ni Manong Baro kadakuada a dua? Ala ammuentay' man iti kanta a "Siasinno" ni Jerameel Perucho-Contreras.

Request and Dedication: "Saan, saan a rumbeng a duakami dita pusom. Agpilika: siak wenno isu? Ibagam Biagko, siasinno kadakami ti ipatpategmo? Siasinno't inka indaddaduma?"

Asino ngata ti pilien ni Manong Baro kadakuada a dua? Ala ammuentay' man iti kanta a "Siasinno" ni Jerameel Perucho-Contreras.

 
SIASINNO
Kinanta ni Jerameel Perucho- Contreras
 
Apay a diak mariknan di lailom 
Kellaat a bimmaaw ta pammategmo 
Adda kadin sabali dita riknam 
Siakon tay inka idianan
Panagkunak diak met a nagkurang 
Pasig nga ayat innak kenka impalak-am 
Intedko amin agraman 'toy kararuak 
A ket itan ayatmon diak mariknan 
Siasinno kadakam' ti ipatpategmo
Siasinno, siak kadi wenno isu 
Siasinno, siasinno't inka idaddadduma 
Agpilika kadakami a dua
 
Ket no bilang siak tay inka panawan 
Nawayaka no dayta ti pagragsakam 
Ngem laglagipem diakto a gumura 
Ta kasta ti ayat a nagpaiduma 
Siasinno kadakam' ti ipatpategmo 
Siasinno, siak kadi wenno isu 
Siasinno, siasinno't inka idaddadduma 
Agpilika kadakami a dua 
Siasinno kadakam' ti ipatpategmo 
Siasinno, siak kadi wenno isu 
Siasinno, siasinno't inka idaddadduma 
Agpilika kadakami a dua 
Siasinno kadakam' ti ipatpategmo 
Siasinno, siak kadi wenno isu 
Siasinno, siasinno't inka idaddadduma 
Agpilika kadakami a dua 
Siasinno kadakam' ti ipatpategmo 
Siasinno, siak kadi wenno isu 
Siasinno, siasinno't inka idaddadduma

O, ni ayat, impaayna't nasakit a napalabasna. O, ni ayat, adu dagiti pannubok a naglasatanna. O, ni ayat, kasinginka ti lubongna. Ngem, sika tay managinkukuna...

Request and Dedication: O, ni ayat, impaayna't nasakit a napalabasna. O, ni ayat, adu dagiti pannubok a naglasatanna. O, ni ayat, kasinginka ti lubongna. Ngem, sika tay managinkukuna...


Ala, denggentay' man no ania a talaga daytoy kayat nga ibuksilan ni Susan Cuevas iti kanta, "Ni Ayat..."

NI AYAT

kinanta ni Susan Cuevas

Ni ayat

Isu't kasingin lubong tayo

Kasta't impaayko

Subad kaniam ket di sakit

Apay ngata

Adda pay la ti ayat

Diak koman narikna

Pannakapaay a nasagrap?

O! ni ayat

Impaayna kalmanko a nasakit
O! ni ayat

Napnuanka iti pannubok

Umapay toy isip

Maburibor toy bagik
O! ni ayat

Sika tay managinkukuna

Managayat itoy pusok a napudno

Ti subadmo toy barukong ket limdo,

Baybay-am kadi latta

Toy saem daytoy puso

Umarubos toy luluak

Siak itan binaybay-am

Plus a bonus song

LOVE AND DEVOTION

a kinanta met laeng ni Susan Cuevas

I will love you darling
With a love so true
And I'll offer darling
My deep devotion to you

So please promise darling
That you love me too
I'll be faithful to you
No matter what happens
My love will be true

Please be my love and devotion
That will not die
And will not fade
Say that your love and devotion
Will be the same like I gave

So please promise darling
That you love me, too
I'll be faithful to you
And no matter what happens
My love will be true

Please be my love and devotion
That will not die
And will not fade
Say that your love and devotion
Will be the same like I gave

I-promotetayo man daytoy baro nga album da Vhen Bautista ken Noraline Domingo a "Homesick Versus Dollar."

Request and Dedication: I-promotetayo man daytoy baro nga album da Vhen Bautista ken Noraline Domingo a "Homesick Versus Dollar."

Maysa daytoy nga Aweng & Biag Records Music Production in Cooperation with Lucky Sevhen Hawaii 2011.

Executive Producer: Rosa D. Lao
Producers:              Avelino Bautista & Noraline Domingo
Musical Arranger:    Allen Israel Pascua
Recording Studio:    PM Recording [Sampaguita]
                             and Aweng Records Studio, Rancho Cucamongga CA, USA
Recording 
Enginner:               Ruben Remperas
Production
Coodinator:            Pat Puncan
Art Work:               Jairus M. Manalo
All Songs Published by Aweng & Biag Music Publishing, Copyright 2011

Adtoy pay ti dadduma a kanta a linaon ti album:

 
Feature Song Ita a Lawas: 
KUENTAS NI AYAN-AYAT- Vhen Bautista
[Music by A. Baustista, Words by Josie Vitales]
 

Piman ta naikalang ti napudno unay nga ayat ni Ading Balasang iti panangulbod kenkuana ni Manong Baro. Kas man puris a naipalay a namagdara iti puso a narigat ita a maikkat ti sugat a dinanto malipatan ingga't-inggana. Aglunit ngem addanto latta't pakalaglagipan...

Request and Dedication: Piman ta naikalang ti napudno unay nga ayat ni Ading Balasang iti panangulbod kenkuana ni Manong Baro. Kas man puris a naipalay a namagdara iti puso a narigat ita a maikkat ti sugat a dinanto malipatan ingga't-inggana. Aglunit ngem addanto latta't pakalaglagipan...

Intayo man ngarud imdengan ti kanta ni PACITA DOMINGO nga "Inulbodnak" no kasano't panangipeksa ti sakit nakemna.

Maysa daytoy nga Ilocano Classic Song nga inukkon ni Phallus55.

  

INULBODNAK

ni Pacita Domingo

Apay nga inulbodnak, o biagko,

Naituredmo a sinugat toy puso;

Ayannan dagidi adu unay a karkari

A sisiak ti ay-ayatem ingga't tanem?
 

Apay nga inulbodnak, o biagko,N

Naituredmo a sinugat toy puso;
Ayannan dagidi adu unay a karkari

A sisiak ti ay-ayatem ingga't tanem?
 

Kastoy kadin aya ti nagbanaganna

Di nalaus unay nga ayan-ayatta?

Biagko naglikudam dagidi a karkari

A sisiak ti ay-ayatem tungpal tanem

Kasanon no nagur-urayka iti nabayag, ngem ti ur-urayem nga ay-ayaten ket saanen nga agsubli? Kasanon ti ayan-ayat? Adda kadi pay gundawayna nga agragsak ti naulila a puso? Intay man imdengan daytoy a kanta ni Prince of Ilocano Songs, Vhen Bautista iti kanta a SIKA LATTA, karaman pay laeng iti album da ken ni Noraline Domingo a Homesick Versus Dollar.

Request and Dedication: Kasanon no nagur-urayka iti nabayag, ngem ti ur-urayem nga ay-ayaten ket saanen nga agsubli? Kasanon ti ayan-ayat? Adda kadi pay gundawayna nga agragsak ti naulila a puso?

Intay man imdengan daytoy a kanta ni Prince of Ilocano Songs, Vhen Bautista iti kanta a SIKA LATTA, karaman pay laeng iti album da ken ni Noraline Domingo a Homesick Versus Dollar.


SIKA LATTA [M]

(Avelino N. Bautista)
Version of Vhen Bautista
From the album Homesick Versus Dollar
Arranged by Allen Israel Pascua

Di pimmanawka't dennak
Inkarim a sublianannak
Tapnon parukbosenta
Di rimmusing nga ayatta

Inur-urayka imnas
Daksanggasat ta napaayak
'Toy pusok ket nalpay
Nakaro a liday
Ta dikan mauray

Kayatko koma ti manglipat
Liniwliwak ti bagik ti arak
Ngem apay a no mausawannak
Agsubli met panaas

Sika latta ti iyik-ikkis na
Naulila a rikna
Sadinno man ti ayanmo ita
Kaasiannak koma
Denggem asugko kenka
Sika latta ti ipatpategko uray linipatmo
Ket no magsat to man 'toy angesko
Sikanto latta biagko oh wooh oh
Sika latta ingga't tungpal tanemko

Inur-urayka imnas
Daksanggasat ta napaayak
'Toy pusok ket nalpay
Nakaro a liday
Ta dikan mauray

Kayatko koma ti manglipat
Liniwliwak ti bagik ti arak
Ngem apay a no mausawannak
Agsubli met panaas

Sika latta ti iyik-ikkis na
Naulila a rikna
Sadinno man ti ayanmo ita
Kaasiannak koma
Denggem asugko kenka
Sika latta ti ipatpategko uray linipatmo
Ket no magsat to man 'toy angesko
Sikanto latta biagko oh wooh oh
Sika latta ingga't tungpal tanemko 

 

"No ti sardam, narimat idiay bitbituen Awanka man, pampanunotenka...

Request and Dedication: Repost- para kadagiti amin nga agayan-ayat, agay-ayat, paayat, maay-ayat, dagiti dina napadasan ti nagayat, wenno dagitay mangpadas iti agayat ken paayat, wenno dagitay dinan kayat pay iti agayat, wenno inkaridan a didan agayat, wenno linipatdan ti balikas nga ayat...Ahhh, ana pay aya? 

Ngem ne, gapu ta aldaw dagiti puso ita, isagutko man daytoy a kanta ni Manangko Andrea Baptista nga "Aldaw ti Puso."

Agiinnayattayo ngarud ket lipaten ti gura nga adda kenka...

"For better or for worse, In sicknes or in health, Till death do us part, I love you forever I do..." Ngem ala, denggengtay' man ti pakabuklan ti kanta ni Vhen Bautista, ti Prince of Ilocano Songs nga "ADIPENMO DAYTOY PUSO"

Request and Dedication: "Adipenmo daytoy puso, iti amin a kanito. Bukbukodmo't pitikna agingga a magsat ti kakaisuna nga angesko..." Apounayen aya a kari dayta iti ay-ayaten. 

Ngem ala, denggengtay' man ti pakabuklan ti kanta ni Vhen Bautista, ti Prince of Ilocano Songs nga "ADIPENMO DAYTOY PUSO" manipud pay lang iti album a Homesick Versus Dollar da Vhen Bautista ken Noraline Domingo.

ADIPENMO DAYTOY PUSO

Sinurat ken Musika ni Avelino N. Bautista

Kinanta ni Vhen Bautista
Inurnos ni Allen Israel Pascua

Manipud iti album a Homesick Versus Dollar

Vhen Bautista ken Noraline Domingo

"For better or for worse,
 In sicknes or in health,
 Till death do us part,
 I love you forever I do..."
Ita ti aldaw a panangkawar
Ayat nga inta sinangal
Agkinnarita dinto agsina
Pinnateg nga awan kaaspingna
Ngem apay nga agluluaka
Lua kadi ti ragsak dayta
Punasem ta amakmo ken duadua
Ta iti sidongko imnas
Nanamemto ti ragsak
Natalged ken nasam-it a panagbiag

Adipenmo daytoy puso
Iti amin a kanito
Bukbukodmo't pitikna o biagko
Aginggana a magsat
Kakaisuna nga angesko
Adipenmo, adipenmo 'toy puso
Ngem apay nga agluluaka
Lua kadi ti ragsak dayta
Punasem ta amakmo ken duadua
Ta iti sidongko imnas
Nanamemto ti ragsak
Natalged ken nasam-it a panagbiag

Adipenmo daytoy puso
Iti amin a kanito
Bukbukodmo't pitikna o biagko
Aginggana a magsat
Kakaisuna nga angesko
Adipenmo, adipenmo 'toy puso

Adipenmo daytoy puso
Iti amin a kanito
Bukbukodmo't pitikna o biagko
Aginggana a magsat
Kakaisuna nga angesko
Adipenmo, adipenmo 'toy puso
Adipenmo, adipenmo 'toy puso

No addanto bungata,
taripatuentanto ida,
agbadangta a mangmuli kadakuada

Ania ngata no agasawa ti saan nga agkapuli? Mayat ngata met ania? Masursuroda ngata met nga ipateg ti kultura ti sabali? Wenno ti pagsasao? Ti ugali ti tunggal maysa? Ala, saan ngata met a dakes ti agayat ken mangipateg iti sabali a puli ta adu met ti nagbayag iti relasionda. Kas koma iti daytoy makapaisem ken makapakatawa a kanta nga "Arya, Abalayan" ni Melo Santiago, ti The Mellow Songtress.

Request and Dedication: Ania ngata no agasawa ti saan nga agkapuli? Mayat ngata met ania? Masursuroda ngata met nga ipateg ti kultura ti sabali? Wenno ti pagsasao? Ti ugali ti tunggal maysa? Ala, saan ngata met a dakes ti agayat ken mangipateg iti sabali a puli ta adu met ti nagbayag iti relasionda. Kas koma iti daytoy makapaisem ken makapakatawa a kanta nga "Arya, Abalayan" ni Melo Santiago, ti The Mellow Songtress. 

Iti kanta, ti ingngungoten a balasang ti ina naikamang iti taga-Taiwan. Nayaw-awan ti intsik ngem ti balasang, isu metten ti inna sinurotan. Ala tapno maawatantayo, denggentay' man ketdi daytoy a kanta ni Melo...


ARYA, ABALAYAN
kinanta ni Melo Santiago [The Mellow Songtress]

Ing-ingungotek a Balasang
Naikamang sadiay Taiwan
Intsik a naiyaw-awan
Isu't inna simmurotan
Singkit nga Abalayan
Nakasaritak ti sinsinan
Tung-ed amin a bakrang
Ta dikam' met agkaawatan

Nagtengan ti panagsimpan
Ni Baro ken Balasang
Ket ditan nga impakatnan
Panagsala tay agkumintang
Di pulos a makatalnan
Agpulpuligos ta salonan
Arya, arya Abalayan
Ingatomon ta dua nga imam

Nagmayat a kitkitan
Ti langa ni Katugangan
Kunam no kasigsiguruan
Pusegna tay agparang-parang
Saan latta a mangibibiang
Nadaleb ta salonan
Ikkis nga agkakamakam
Ala arya, Abalayan

Ngem: "Saan, saan, saan. Dika agladingit, Dungngo. Lagipem dagiti naragsak a kanito, uray danata't agsina dika aglimdo ta maikupinto ti sipnget, agbannawagto..." Anian a nagganas a denggen daytoy balikas ti pammatalged ni Vhen Bautista, ti Prince of Ilocano Songs, iti kanta a "DIKA AGLADINGIT.

Request and Dedication:  "Ipapasmo a buyaen daytoy langa, nadanonen oras ti inta panagsina. Ipsnekmo nga iburay ni segga ta awanakton a mangay-ayo kenka." Ngem: "Saan, saan, saan. Dika agladingit, Dungngo. Lagipem dagiti naragsak a kanito, uray danata't agsina dika aglimdo ta maikupinto ti sipnget, agbannawagto..."

 Anian a nagganas a denggen daytoy balikas ti pammatalged ni Vhen Bautista, ti Prince of Ilocano Songs, iti kanta a "DIKA AGLADINGIT.


Ala, busatantayo man ti ubing a tawen kadagiti makaparagsit a kanta ni Ilocano. Ikugtartayo dagiti ladingit ket bay-antayo a maikupin ti sipnget tapno maikkan gundaway a lumaem ti lawag kadagiti pampanunot ken puspusotayo. Pasantaken ni ayat tapno narungrungbo ken naim-imbag pay ti gasat a sumangbay kadatayo...


DIKA AGLADINGIT
ni Vhen Bautista [a.k.a. Chino Romero], The Prince of Ilocano Songs

Ipapasmo a buyaen daytoy langa
Nadanonanen oras ti inta panagsina
Ipasnekmo nga iburay ni segga
Ta awanakton a mangay-ayo kenka

Daytoy ti gasat ti naangaw nga ayat
Kasla puris iti barukong nga agpanaas
Rayrayna pulos a di agsilap
Ta ngamin bilunod laeng a raniag

Saan, saan, saan,
Dika agladingit, dungngo
Lagipem dagiti naragsak a kanito
Uray danata't agsina dika aglimdo
Maikupinto ti sipnget, agbannawagto...


Nalawag a naikur-it iti palad
Mailunod daytoy a burik ni ayat
Tubngarenna ti amin a nadayaw
Pati nasimbeng a panunot nagawaaw


Uray ilimed maibutaktakto latta
Tapno gita ni basol maisayya
Pasiggedenna ti sabidong ni gura
Ket leddaang kasla naipigket a tanda

Narigat ti mayadayo ken ni ay-ayatem uray laeng iti apagbiit a kanito. Ngem ti yaadayo maysa met daytoy a pakasubokan iti tibker ken pundasion dagiti agayan-ayat, kadagiti agasawa, iti iliw ti pamilia, kadagiti annak, gagayyem ken am-ammo. Intay man ngarud andingayen ni Noraline Domingo iti kanta a "Beinte Minutos Pay" iti inna panangyunay-unay a saan koma a lipatan ni ay-ayatenna tapno awan ti pakasidiran daytoy bayat iti kaaddana iti adayo a lugar. Ta para ken ni Noraline, dina kayat nga awit ti leddaang no di ket ragsak iti inna panangisagana ti napintas a masakbayan ti pamilia.

Request and Dedication: Narigat ti mayadayo ken ni ay-ayatem uray laeng iti apagbiit a kanito. Ngem ti yaadayo maysa met daytoy a pakasubokan iti tibker ken pundasion dagiti agayan-ayat, kadagiti agasawa, iti iliw ti pamilia, kadagiti annak, gagayyem ken am-ammo. 

Ditoy ti pakasubokan ti pateg ti nagkinnarian a ni kaano man, dinto mabual, mapekka wenno marsaak.

Intay man ngarud andingayen ni Noraline Domingo iti kanta a "Beinte Minutos Pay" iti inna panangyunay-unay a saan koma a lipatan ni ay-ayatenna tapno awan ti pakasidiran daytoy bayat iti kaaddana iti adayo a lugar. Ta para ken ni Noraline, dina kayat nga awit ti leddaang no di ket ragsak iti inna panangisagana ti napintas a masakbayan ti pamilia.

Ala ngarud, imdengantay' man...

BEINTE MINUTOS PAY

[Musika ni Avelino N. Bautista/Sinurat ni Rudy Ram Rumbaoa]

Kinanta ni Noraline Domingo

Manipud pay laeng iti album a "Homesick Versus Dollar

Back to back album of Vhen Bautista and Noraline Domingo

Beinte minutos pay
boarding timen biag toy biag
Agur-urayen ti pagluganak
dika mangliplipat.
Ta iti lugar a papanak
saanko nga awit ti leddaang
Ngem ketdi ti ragsak
isaganak masakbayan.

Wen dinakto lipatan
tapnon awan pakasidiram
Ta uray awanka't dennak
addaka't kaungak.
Dagitinto retratom
ken suratmo isuda't liwliwak
Ayat ken dungngom
sapay ta di marsaak.

Beinte minutos pay biagko
intanton aginnadayo
Agur-urayen ti eroplano
innakton sabali a disso.
Narigat daytoy a kasasaad
masapul nga awatenta koman
*Panaginnadayota
sapay ta awan maikalang kadata.

Beinte minutos pay
panawankan o ayatko
Nakalinian dagiti kakaduak
innakton umadayo.
Iti lugar a papanak
innak makigasanggasat
Gapu't kinakurapay a kasasaad
adaywak ti rigat.

Wen dinakto koma lipatan
dimo ilaksid ni ayat
Uray awanakto dita dennam
kanayonekto't agsurat.
Dagitoy ti rangtay
iliwko a dumanonto kenka
Kenka nga ay-ayatek
ken bang-ar 'toy kararuak.

Ngem ti anak, dinanto pulos malipatan ti dungdungngoenna nga ina uray adayo a lugar ti papananna. Ta ti pateg, ayat ken dungngo ti maysa nga ina, mayurit iti puso ti naganna- isu't agnanayon a gameng ti biagna..." Wen, pirgis laeng dayta a paset ti kanta ni Idol VHEN BAUTISTA, ti Prince of Ilocano Songs, iti kanta nga "O Ina, Dungngo."

Request and Dedication: Ti ina, saannanto pulos a baybay-an ti anakna. Ta ti ina, "Iti tiempo ti didigra, kasla upa ti bagina ti isaripda. Awan kaipapanan ti dayaw kenkuna, no ti masakbayan ti anakna't nakapusta. Itedna uray pay ti biag, magaw-at laeng ti pagragsakan ti anak. Agsangit pusona, ipanesanna no lumlumdaang ti anak. Ngem ti anak, dinanto pulos malipatan ti dungdungngoenna nga ina uray adayo a lugar ti papananna. Ta ti pateg, ayat ken dungngo ti maysa nga ina, mayurit iti puso ti naganna- isu't agnanayon a gameng ti biagna..."

Wen, pirgis laeng dayta a paset ti kanta ni Idol VHEN BAUTISTA, ti Prince of Ilocano Songs, iti kanta nga "O Ina, Dungngo."

Agtugawtay' man ngarud ket imutektekantayo ti kayat nga ipaawat ni Idol Vhen iti daytoy napnoan unay kaipapanan a kanta nga agpaay iti dungdungngoenna nga Ina...

O INA, DUNGNGO

kinanta ni Vhen Bautista

Kanen ket isubom koman
Itedmo kaniak dimo impaidam
Ngamin ti pagsayaatak iyunam
Siakto pay laeng ti bale asitgan
No dumteng ti sagubanit
Kasla sika't makarikna't sakit
Uray mabiit ay dika rumidep
Iti amakmo a diakon umanges

Dikanto pulos malipatan Ina, dungngo
Uray adayonto a daga't madanonko
Nayurit ditoy pusok ti naganmo
Agnanayonka a gameng ti biagko
Dikanto pulos baybay-an Ina, dungngo
Ta amin a pagragsakam ikarik, isagutko
Uray nakurapay toy numo, idayawnakto
Siakto't sarukodmo O Ina, dungngo

Iti tiempo ti didigra
Kasla upa ta bagim ti isaripda
Awan kaipapanan ti dayaw kenka
No ti masakbayak ti nakapusta
Itedmo uray dayta biag
Magaw-at laeng ti pagragsakak
Agsangit pusom no nalidayak
Ipanesam no lumlumdaangak

Dikanto pulos malipatan Ina, dungngo
Uray adayonto a daga't madanonko
Nayurit ditoy pusok ti naganmo
Agnanayonka a gameng ti biagko
Dikanto pulos baybay-an Ina, dungngo
Ta amin a pagragsakam ikarik, isagutko
Uray nakurapay toy numo, idayawnakto
Siakto't sarukodmo O Ina, dungngo

Iyangadmo't sadi langit ta rupam
Siak a bunga ti iparintumengam
Ti para kenka ti napateg O Ina!
Asi ti langit kukuak amin ida

Dikanto pulos malipatan Ina, dungngo
Uray adayonto a daga't madanonko
Nayurit ditoy pusok ti naganmo
Agnanayonka a gameng ti biagko
Dikanto pulos baybay-an Ina, dungngo
Ta amin a pagragsakam ikarik, isagutko
Uray nakurapay toy numo, idayawnakto
Siakto't sarukodmo O Ina, dungngo
Uray nakurapay toy numo, idayawnakto
Siakto't sarukodmo O Ina, dungngo

Kasano't panangpurosmo dagiti bitbituen tapno laeng mamatika iti napudno nga ayat? A dinto agkupas ti ayat? Wenno, bimmullalayaw kadi dayta ayat?

Request and Dedication: Kasano't panangpurosmo dagiti bitbituen tapno laeng mamatika iti napudno nga ayat? A dinto agkupas ti ayat? Wenno, bimmullalayaw kadi dayta ayat?

Ala man ngarud, Kailian, intay' man imdengan ti maysa kadagiti orihinal a komposision ken maysa pay a maipannakkel a putar a kanta nga Ilocano, "Bimmullalayaw nga Ayat" a kinanta met laeng ti maysa kadagiti mararaem ken pagwadan a kumakanta iti Ilocandia- ni Dolly Manuel.

BIMMULLALAYAW NGA AYAT

kinanta ni DOLLY MANUEL

Bimmullalayaw nga ayat

Agpukawpukaw 'di agbayag

Aglisika, adaywannak

Tapnon agtalna 'toy riknak

Ania kadin bullalayaw

Naulpit manangallilaw

Ta kaska la agpatpataw

Ket iyaw-awannaka

Uray pay no tengnga't aldaw

Maripripirip 'toy nakem

Nga ikulbonakto laeng

Gandatmo't mangirurumen

Mangikulbo mangitulmeng

Ngem no kas pudno met laeng

Purosem man 'diay bitbituen

Ta tapnon mamatiak

A dinto ket agkupas

Bimmullalayaw nga ayat...

Nabayag kanon a di nakitkita ni Ading Balasang ni Manong Baro nga ay-ayatenna isu a komkomustaenna isuna. Kailiw kanon ni Ading Balasang iti kaadda koma ni Manong Baro iti dennana. Komkomustaenna pay no adda nagbaliwan ti ayatna ken no isu pay laeng ti linaon ti pusona... Ala, intay' man ngarud denggen ni Melo Santiago, ti nabirngasan a The Mellow Songtress ti Ilokandia, no kasano iti panangkomustana ken ni Manong Baro iti kanta a "Hello, Komustakan?"

Request and Dedication: Nabayag kanon a di nakitkita ni Ading Balasang ni Manong Baro nga ay-ayatenna isu a komkomustaenna isuna. Kailiw kanon ni Ading Balasang iti kaadda koma ni Manong Baro iti dennana. Komkomustaenna pay no adda nagbaliwan ti ayatna ken no isu pay laeng ti linaon ti pusona...

Ala, intay' man ngarud denggen ni Melo Santiago, ti nabirngasan a The Mellow Songtress ti Ilokandia, no kasano iti panangkomustana ken ni Manong Baro iti kanta a "Hello, Komustakan?"

Karaman daytoy a kanta iti Album a "Rimat Dagiti Bituen."

HELLO, KOMUSTAKAN?

Kinanta ni Melo Santiago [The Mellow Songtress]

manipud iti Album a "Rimat Dagiti Bituen..."

Hello! Komustakan?

Nabayag a dika nakitkitan

Hello! Komustakan?

Kailiwko kaaddam ditoy dennak

Naglabas aldaw, bulan ken tawen

Ayatmo kadin inda nagbaliwen?

Kayatko ida a pasublien

Kailiwko napintas a langen-langen

Hello! Komustakan?

Komustaak met dita pusom?

Hello! Komustakan?

Tawagko ti inka sungbatan

Kiddawko a siak tay sangpetam

Hello! Komustakan?

Narigat nga iliwliwag ta kaludludonmo't liday gapu't iliwmo kenkuana. Wenno, awan pangitaklinan dagiti problemam no kasta a bukodmo ti naliday a rabii. Kaska la ul-ulila. Sapsapulem dagiti nabara nga arakupna. Iti daytoy a kanta ni Armand Currameng nga "Iliwko Kenka," padasentay' man a kaduaen ti baro, riknaen ti marikriknana- ti ayat nga adda kenkuana...

Request and Dedication: Pudno, narigat ti mayadayo iti ay-ayaten a nagbalinen a paset met ti biagmo. Ta no maminsan, iti panagmaymaysa, pagballaennaka a mangpampanunot iti ipatpategmo. Narigat nga iliwliwag ta kaludludonmo't liday gapu't iliwmo kenkuana. Wenno, awan pangitaklinan dagiti problemam no kasta a bukodmo ti naliday a rabii. Kaska la ul-ulila. Sapsapulem dagiti nabara nga arakupna.

Iti daytoy a kanta ni Armand Currameng nga "Iliwko Kenka," padasentay' man a kaduaen ti baro, riknaen ti marikriknana- ti ayat nga adda kenkuana...

ILIWKO KENKA

Armand Currameng

taga-Sarrat, Ilocos Norte ngem agneden idiay Italia

No agmaymaysaak

Pampanunotenka

Dika mailiwliwag

Iti inoran-oras

Aldaw ken rabii

Kaludludonko't luluak

Diak maaripapa

Iliwko kenka

Pudno a narigat

Umadayo't dennam

Awan ti pagtaklinak

Arigko't naulila

Aldaw ken rabii

Kaludludkonko't luluak

Biagko diak maaripapa

Iliwko kenka

Bara ta arakupmo

Ken nasam-it a lailom

Sapsapulek a kanayon

Awandan a ragsakko

Agan-anuak kad' pay

No isu't kalak-amak

Biagko an-anusak

Iliwko kenka

*Biagko an-anusak

 Iliwko kenka

Kuna ni Manong Baro iti kanta nga "UMUNA NGA AYAT" a ni Ading Balasang ti nakariknaanna iti napudno nga ayat, ayat nga awan pumadpad, ayat nga isu laeng ti ramen dagiti dardarepdepna. Ngem kasano ngaruden no awan ti kaimudingan ni Manong Baro iti puso ni Ading Balasang? Ala, dayta ngarud ti takuatentayo no kasano ti panangipeksa ni Manong Baro ti kaririknana iti inna panangharana ken ni Ading Balasang...

Request and Dedication: Kuna ni Manong Baro iti kanta nga "UMUNA NGA AYAT" a ni Ading Balasang ti nakariknaanna iti napudno nga ayat, ayat nga awan pumadpad, ayat nga isu laeng ti ramen dagiti dardarepdepna. Ngem kasano ngaruden no awan ti kaimudingan ni Manong Baro iti puso ni Ading Balasang?

Ala, dayta ngarud ti takuatentayo no kasano ti panangipeksa ni Manong Baro ti kaririknana iti inna panangharana ken ni Ading Balasang...

UMUNA NGA AYAT

Sika ti umuna nga ayatko

Sika't nakariknaak ayat a pudno

Awanen sabali ditoy puso

Aldaw ken rabii sabongnaka't darepdepko

Sika't pakabuklan amin a ragsak

Iti amin a darikmat a makitkitak

Asiakto pay no awan kaimudingak

Malmesak la ketdi taaw kinadaksanggasat

Napudno 'toy ayat awan pumadpad

Indatonko kenka salda 'toy biag

Sika ti aminko ken masakbayak

Umuna nga ayat katukadna daytoy biag