Request and Dedication: Agbabbabawi ni Manong Baro iti panangiyam-ammona ti pagayamna iti balasang nga ipatpategna. Awan gayam mamaay iti kinaasideg ti tunggal agpagayam no liputan ti maysa ti sabali- nangruna no maipanggep ken ayat.
Ita, kasta unay ti panangipeksa ni Manong Baro ti sakit ti nakemna iti asideg a pagayamna. Agpayso ngata ti pagsasao a "Best friends are best enemy?" Ala, maammuatanyo ken ni Vhen Bautista, ti nabirngasan a "Prince of Ilocano Songs" iti kanta a "PAGAYAM."
"Ay, addaanak ti pagayam
nainget unay a pagayam
simmurot kaniak a nagpasiar
balay ti patpatgek a dayag...
Iti inda panagsarsarita
naisangsangayan, nalailoda
gayam siak ti inda liniputan
nagsaemen ti impaaymo, pagayam
Nagsakiten, o pagayam
apay nga isu pay la ti nagustoam?
Nagsakit ketdin, o pagayam
nagadu't sabali a babbalasang.
Itan siak tay agbabbabawi
ti pusok ken riknak agsansaning-i
diak la koman pinagam-ammo
da pagayam ken balasang nga ipatpategko."
No comments:
Post a Comment