Di mailiwliwag ni Manong Baro ti kaawan ni Kurdapya iti sidongna. Adda ketdi sapsapulenna ket ni Ading Balasang laeng ti pakariknaanna iti daytoy. Imdengantay' man ketdi daytoy kanta a "Diro Ta Pammategmo..."

Request and Dedication: "Ti kaawanmo't arpad, diro ta pammategmo ti pakaikawaak..."

         

"idi kalman laeng

 nagpakadaka

 ngem kasla tawenen biagko

 nga awanka't dennak...

 pinalubosanka iti nalawag

 ngem ti kaunggan ti puso

 lua a di umlay...

 panunotko di agtalna

 dika mailiwliwag

 diak ammo no maibturak...

 kaawanmo't arpad

 diro ta pammategmo

 ti pakaikawaak...

 'di pannaripatom a nakairuamak

  awanen mangray-aw kaniak

  awankan a ragsak."