Request and Dedication: Immadayo ni Ay-ayatenna, ngem mangnamnama nga agsublinto manen. Ta uray adda pinnasugnod a napasamak iti nagbaetanda, saan a kas karina nga iwaksi ni Ading Balasang ti kinapateg ni Manong Baro iti pusona. Kunana, "Bay-am ta biagek ti namnama a manapaya nagkasingin a riknata.
Ngem no kas pangarigan ta pumanawkanto manen, addanto pagituredko a manguray ti panagsublim." Apounayen a panagitured ken panagibtur ni ayat. Ta kunana pay, "Ibilangkon a paset daytan ti kalman,
nalpasen ti nalpas pinnasugnod lipatentan..."
Ala man ngarud, Kailian, agbalintayo man a saksi iti napudno a panagayat ni Ading Balasang iti daytoy napnoan kaipapanan a kanta ni Manang Andrea Baptista iti kanta nga "ALDAW TI PANAGSUBLIM."
Ala man ngarud, Kailian, agbalintayo man a saksi iti napudno a panagayat ni Ading Balasang iti daytoy napnoan kaipapanan a kanta ni Manang Andrea Baptista iti kanta nga "ALDAW TI PANAGSUBLIM."
ALDAW TI PANAGSUBLIM
ni Andrea Baptista
Bay-am ta innak man pasungaden
Ti nagasat nga aldaw ti panagsublim
Tapnon baliwanta a patuboen
Daydi ayan-ayat a nabaybay-anen
Lipatek ti panaginnadayota
Ken kanito a panagpinpinnasakitta
Ibilangkon a paset daytan ti kalman
Nalpasen ti nalpas pinnasugnod lipatentan
Bay-am ta biagek ti namnama
A manapaya nagkasingin a riknata
Ngem no kas pangarigan ta pumanawkanto manen
Addanto pagituredko a manguray ti panagsublim
Biagek ti lagip ti napalabas
Ti kanito a samsam-itan ni ayat
Ta bareng no nalaglag-anton daytoy nakem
A sumango gapu kenka ti aldaw ti panagsublim
Ibilangkon a paset daytan ti kalman
Nalpasen ti nalpas pinnasugnod lipatentan
Bay-am ta biagek ti namnama
A manapaya nagkasingin a riknata
Ket no kas pangarigan ta pumanawkanto manen
Addanto pagituredko a manguray ti panagsublim
No comments:
Post a Comment