Request and Dedication: Piman ni Ading Balasang ta malmaladayan unay iti ipapanaw ni Ay-ayatenna. Sapsapulenna. Dina ammo a disso ti ayanna. Iti kangitingitan ti tuok ken rigat, binaybay-an ni Ay-ayatenna. Ngem mangnamnama ni Ading Balasang a mapasubli pay daydi pinnategda nga uray iti baet ti amin a nagpasaran ti ayan-ayatda, awatenna ni Manong Baro kas maysa a pagayam laeng. Intay man ngarud denggen daytoy kanta ni Manang Andrea Baptista a "Malmaldayannak," maysa nga orihinal a komposisionna
MALMALDAYANNAK
Orihinal a Komposision ni Andrea Baptista
Malmaldayannak gapu iti ipapanawmo
A di nagpakada sadino a disso ita't 'yanmo
Binaybay-annak iti tengngat tuok ken rigat
Ur-urayek ta sangpetmo bareng no adda pay natda a panangipategmo
Ania kad' ti gapuna ta naulimek a gura?
Diak man la maibuksilan ta karkarna a tignay
Ipudnom man la kaniak no ania't nakabasolak
Uray no dika agsubli no aglinnawagta awan sakit ti nakem
Inta man pasublien daydi panagpinpinnategta
Uray aggaygayyemta lattan inaldaw nga agsinsinnarungkarta
No kas pagarigan ta nairut pay la ta guram
Ur-urayek ti kanito nga agkappia't/agtalna't panunotmo ken aglisiudo ti riknam
No comments:
Post a Comment