"Idi kalman laeng nagpakadaka,
ngem kasla tawenen, biagko,
nga awanka't dennak...
Pinalubosanka iti nalawag,
ngem ti kaunggan 'toy puso
lua a di umlay...
Panunotko di agtalna
dika mailiwliwag,
diak ammo no maibturak
kaawanmo't arpad
diro ta pammategmo
ti pakaikawaak.
Ti pannaripatom a nakairuamak
awanen mangray-aw kaniak,
awankan a ragsak...
Lailom ken lailok
kaano ngatanto manen
nga agpinnapas?
Kaano, O Biagko?
Diak makauray ti nabayag..."
KAANO
Armand Currameng
No comments:
Post a Comment