Panunotko di agtalna dika mailiwliwag, diak ammo no maibturak kaawanmo't arpad diro ta pammategmo ti pakaikawaak.- Armand Currameng

Request and Dedication:

"Idi kalman laeng nagpakadaka,
 ngem kasla tawenen, biagko,
 nga awanka't dennak...

 Pinalubosanka iti nalawag,
 ngem ti kaunggan 'toy puso
 lua a di umlay...

 Panunotko di agtalna
 dika mailiwliwag,
                           diak ammo no maibturak
kaawanmo't arpad
diro ta pammategmo
ti pakaikawaak.

Ti pannaripatom a nakairuamak
awanen mangray-aw kaniak,
awankan a ragsak...

Lailom ken lailok
kaano ngatanto manen
nga agpinnapas?

Kaano, O Biagko?
Diak makauray ti nabayag..."


KAANO
Armand Currameng

Narigat nga iliwliwag ta kaludludonmo't liday gapu't iliwmo kenkuana. Wenno, awan pangitaklinan dagiti problemam no kasta a bukodmo ti naliday a rabii. Kaska la ul-ulila. Sapsapulem dagiti nabara nga arakupna. Iti daytoy a kanta ni Armand Currameng nga "Iliwko Kenka," padasentay' man a kaduaen ti baro, riknaen ti marikriknana- ti ayat nga adda kenkuana...

Request and Dedication: Pudno, narigat ti mayadayo iti ay-ayaten a nagbalinen a paset met ti biagmo. Ta no maminsan, iti panagmaymaysa, pagballaennaka a mangpampanunot iti ipatpategmo. Narigat nga iliwliwag ta kaludludonmo't liday gapu't iliwmo kenkuana. Wenno, awan pangitaklinan dagiti problemam no kasta a bukodmo ti naliday a rabii. Kaska la ul-ulila. Sapsapulem dagiti nabara nga arakupna.

Iti daytoy a kanta ni Armand Currameng nga "Iliwko Kenka," padasentay' man a kaduaen ti baro, riknaen ti marikriknana- ti ayat nga adda kenkuana...

ILIWKO KENKA

Armand Currameng

taga-Sarrat, Ilocos Norte ngem agneden idiay Italia

No agmaymaysaak

Pampanunotenka

Dika mailiwliwag

Iti inoran-oras

Aldaw ken rabii

Kaludludonko't luluak

Diak maaripapa

Iliwko kenka

Pudno a narigat

Umadayo't dennam

Awan ti pagtaklinak

Arigko't naulila

Aldaw ken rabii

Kaludludkonko't luluak

Biagko diak maaripapa

Iliwko kenka

Bara ta arakupmo

Ken nasam-it a lailom

Sapsapulek a kanayon

Awandan a ragsakko

Agan-anuak kad' pay

No isu't kalak-amak

Biagko an-anusak

Iliwko kenka

*Biagko an-anusak

 Iliwko kenka

Intay agpasiar idiay Vencie, Italy, a kadua da Vhen, Linda, Armand, Gina, Armand R., kdpy...

Request and Dedication: Maysa daytoy nga Old Ilocano Medley Song a nagtitiponan dagiti nagkauna ken nalatak a kumakanta iti ilokano. Nairaman da Vhen Bautista, Linda Lazo, Armand Currameng, Gina Bagasol, Armand Ratuita, kdpy...

Inurnos ni Pablo Bisquera ti video clip a naaramat ditoy.

Ala ngarud, danggayan ti kanta, ikumpas ti saka ken agsala...