"No ti sardam, narimat idiay bitbituen Awanka man, pampanunotenka...

Request and Dedication: Repost- para kadagiti amin nga agayan-ayat, agay-ayat, paayat, maay-ayat, dagiti dina napadasan ti nagayat, wenno dagitay mangpadas iti agayat ken paayat, wenno dagitay dinan kayat pay iti agayat, wenno inkaridan a didan agayat, wenno linipatdan ti balikas nga ayat...Ahhh, ana pay aya? 

Ngem ne, gapu ta aldaw dagiti puso ita, isagutko man daytoy a kanta ni Manangko Andrea Baptista nga "Aldaw ti Puso."

Agiinnayattayo ngarud ket lipaten ti gura nga adda kenka...

"Pukawem, ala, ta panagduadua. Adda agur-uray kenka a gundaway. Ayat a nadarisay..." manipud iti kanta a "Luktam Ta Pusom" ni Vhen B., "Matimudko ta timekmo, luak agarimayang. Malmes daytoy pusok..." manipud iti kanta nga "Aldaw Ti Puso"

Request and Dedication:  Pukawem, ala, ta amak ken duadua. Saan a kankanayon a nalidem ti lubong ta adda agur-uray kenka a gundaway- daytoy ti ayat a nadarisay, kuna ni Vhen Bautista, ti Prince of Ilocano Song iti kanta a "Luktam Ta Pusom," maysa nga orihinal a komposision.

"Aldaw Ti Puso" agkanka man pay, Biagko, kuna met ni Ading Balasang ken ni Manong Baro a kas pampaneknek iti kinapudnona kenkuana.

                           

                           "Luktam Ta Pusom" ken "Aldaw Ti Puso" ket isagsagut   kadakayo ti 'Sika A Musika 'Toy Pusok" para kadagiti agayan-ayat, agkasimpungalan, napaay gapu ken ayat, ken kadagiti dina pay napadasan ti nagayat. Ala, imdengan ti musika a ray-aw ti puso...

Luktam Ta Pusom

"Luktam ta pusom iti agnanayon. 

 Dimo ipalubos nga agari kenka't tuok.

 Pukawem, ala, ta panagduadua

 Adda agur-uray kenka a gundaway

 Ayat a nadarisay...

 Luktam ta pusom iti agnanayon

 Dimo paidamanan ta kaunggan ken riknam.

 Pukawem, ala, ta amak ken duadua

 Saan a kankanayon a nalidem ti lubong

 Luktam ta pusom.

 Mapukaw panagsagaba no itaklinmo iti Namarsua

 Namnamaem ipangagna no la ket napudnoka Kenkuana."

Aldaw Ti Puso

"No ti sardam, narimat idiay bitbituen

Awanka man, pampanunotenka...

Matimudko ta timekmo

Luak agarimayang, malmes daytoy pusok.

Aldaw iti puso, panagiinnayat

Lipaten koma gura nga adda kenka. 

Aldaw iti puso, agkanka man pay Biagko

Inggana't-inggana, aginnayat ta a dua."