Apounayen, aya, ta kasta unay ti kababagas ken napnoan kaipapanan dagitoy
a balikas ni Manang Andrea Baptista iti panangipudnona ken ni Manong Baro ti karirikna kenkuana iti kanta nga "Arapaap ken Namnama."
Kunana, "Sika't nangpabukar ti kaippasngay a rikna ta binaliwmo
ti maris ti simple a lubongko." Sana pay innayon, "Ta agek
ken balikasmo't taraon toy kararuak..."
Ama, ama, naggasat ketdin ni Manong Baro!
ARAPAAP KEN NAMNAMA
ni Andrea Baptista
nakabase iti Hawaii a singer/composer iti Ilocano Songs
ken tubo ti Isabela
Sipud pay idi dimtengka iti imatangko
Pinagbalbaliwmon ti maris ti simple a lubongko
Gapu ta adda milagro ti arakupmo kaniak
Ta agek ken ta balikasmo ti taraon 'toy kararuak
O biagko, [o biagko], Wen sika, [wen sika] ti kasilpo 'toy angesko
Bunga't arapaapko ken namnamak nga agbiag
Sika ti nangpabukar ti kaippasngay a rikna
Minalem a paspasungadek ti nalinak a sardam
Tapno innak tagibien ni karayo a sumamay
Ket inton kaltaang ti rabii agandapto dayta ladawam
Ket tono adda init wenno bulan ket balitok ti aglawlaw
