Intay agpasiar idiay Vencie, Italy, a kadua da Vhen, Linda, Armand, Gina, Armand R., kdpy...

Request and Dedication: Maysa daytoy nga Old Ilocano Medley Song a nagtitiponan dagiti nagkauna ken nalatak a kumakanta iti ilokano. Nairaman da Vhen Bautista, Linda Lazo, Armand Currameng, Gina Bagasol, Armand Ratuita, kdpy...

Inurnos ni Pablo Bisquera ti video clip a naaramat ditoy.

Ala ngarud, danggayan ti kanta, ikumpas ti saka ken agsala...

"Ammok nga agsublikanto latta ti naggapuam," kuna ni Vhen Bautista ken ni Marilou Tolentino

Request and Dedication: "Nabayagen kaaddam Australia, Hawaii a kunada  nga isla. Ammok nga agsublikanto latta sibay dagiti napapateg kenka."

Kunana pay: "Dagiti surat dida marangtayan nalawa a taaw a nagbabaetan, nalaus nga iliw, ay, inka leplepan, ayatmo lang a makalung-aw ti pamiliam," kasta ti panangiladawan ni Vhen Bautista, ti Prince of Ilocano Songs, iti kantana nga "Agsublikanto Latta" kadagiti Overseas Filipino Workers [OFWs]. 

Wen, agsublitayo latta iti Ina a Daga a naggapuan...

Manipud pay laeng iti studio ti "Sika A Musika 'Toy Pusok," naimpapusoan a maisagut daytoy a kanta ni Vhen Bautista nga "Agsublikanto Latta" ken ni Marilou Tolentino nga adda ita idiay pagilian nga Australia. Sinurat ni Avelino Bautista, manipud iti 1994 nga albumna a "Musika ni Vhen Bautista Agpaay Kenka.

"O, Ina, dakayo [ken ni Ama] ti gapuna no apay nga addaak ita. Agyamanak." Iruknoy ni Vhen daytoy a kanta kadagiti amin nga Inna [karaman metten dagiti Amma]....

Request and Dedication: Iruknoy ni VHEN BAUTISTA, ti Prince of Ilocano Songs, ti kanta nga "AGYAMANAK" kadagiti amin nga Inna a mangrambak iti naisangsangayan nga aldaw a para kadakuada ti "Mother's Day."

Babaen iti panakibinnulig ti studio ti "Sika A Musika 'Toy Pusok" ken BMG Records, sipupuso nga iruknoymi kadakayo "INA" a puon ti amin daytoy a kanta ti nalaus a pagyamanmi kadakayo... AGBIAGKAYO!