Sika ti daniw a putar a nailaga iti barukong.
Sika ti napusaksak a sabong nga ingget banglo-agadiwara;
mutia nga impateg ken inayat 'toy pusok.
Sika ti biag nga angesko...
ti ayat a ragsakko...
ken panungpalak.
Adtoyak, ruknoyakanka iti samiweng a ray-aw ta puso ken riknam...
Request and Dedication: "Ammok a panawannak inton dumteng ti oras. Ammok a panawannak ngem agsublika met kaniak. Balonem daytoy napasnek a kararagko, balonem met kakaisuna a pusok. Agsardeng panapitikna bayat kaawanmo. Tapno diakon ayat iti sabali..." Wen, maysa daytoy kadagiti kapintasan a kanta ni Vhen Bautista, The Prince of Ilocano Songs a pinagsilpo ni Phil Allus a napauloan iti "Ammok A Panawannak ken Agsublika, Agsublika." Intay' man ngarud imdengan ken utoben ti kababagas a kayat nga ibuksilan ti kanta.
AMMOK A PANAWANNAK/AGSUBLIKA, AGSUBLIKA Vhen Bautista Ammok a panawannak inton dumteng naituding nga oras Agsingsingpetkanto dika mangliplipat salda 'toy biag Ken lagipem koma adtoyak nga agur-uray kenka Dinak isuksukat ta dayta ti lumdaangak Ammok a panawannak ngem agsublika met la kaniak Tapno tungppalenta daydi nagtulaganta Pasingkidenta nasangal nga ayan-ayatta Itan inka inyadayo urayekto kaano man Balonem daytoy napasnek a kararagko Idawdawatko't Dios Apot' karadkadmo Sapay koma ta ilisinaka ti amin a peggad Ipaayna kenka't agnanayon a salun-at Balonem met daytoy kakaisuna a pusok Agsardeng panagpitikna bayat kaawanmo Tapno diakon agayat pay iti sabali Ikarik kenka daytoy ingget sudi Malmalday daytoy riknak Agar-arubos 'toy luluak Masmasnaayan 'toy pusok Sika't immadayo Agsublika, agsublika Ditoy dennak, O liwliwa Agsublika, agsublika Imdengannak, ala Sipud idi siak ti pinanawam Napalaus a leddaang Wen, diak a pulos malapdan A lagipen daydi kalman Sadino man ti ayanmo Sapay koma ta mangngegmo 'Toy ayug a naputarko Nga agpaay kenka, O Biagko Agsublika, agsublika Imdengannak, ala.
Request and Dedication: "Nagbasolak, O, nagbasolak Imnas Sapay koma ta mapakawannak biag toy biag Wen, naamiriskon a sika gayam Ti innak ay-ayaten, dawatko imdengam... Sika gayam, sika gayam ti ay-ayatek." Ala wen, imdengantay' man ti maysa kadagiti makasagid-rikna a kanta ni Vhen Bautista.
NAGBASOLAK Sung by Vhen Bautista [The Prince of Ilocano Songs]
Request and Dedication: "No makariingak iti agsapa liday pusok ken kaunggak sumtirda, isisingising idiay init diak payen makita ta sika biagko ti gapuna pinanawam, pusok inulilam... No malagipko iti naglabas diak man la impagarup a lipatennak, dagiti sam-it ni ayan-ayat kas man la di marsaak
Anian nga ulpitmo imbatim pusok linipatmo apay a naglikudam toy ayat nga intalekmo no ammok la koma a pasaktannak diak la koman nagay-ayat...." Baro a kanta ni JERAMEEL PERUCHO CONTRETRAS. No nagustoanyo ti kanta nga "Ulbod A Panagayat," sigurado a magustoanyo met daytoy "Diak La Koman Nagay-ayat.
DIAK LA KOMAN NAGAY-AYAT Sung by Jerameel Perucho Contretras
Request and Dedication: Biagko, idi panawanka Siak gayam nagbasol kenka Itan ket agbabawiak Ayat, Pakawanennak... Biagko, nasaem gayam Maiyadayo pudno nga ayat Sapay koma ta nagbalbaliwkan Toy pusok dimonton idianan Denggem kad' daytoy a dawatko Agpakpakaasi toy pusok, Biagko Ikkam kadin ti maysa a gundaway [Dimonton paldaangan 'toy pusok] Sapay denggem daytoy a dawatko
DAWATKO Duet by Prince of Ilocano Songs Vhen Bautista and Asia's Super Songbird Susan Cuevas
Request and Dedication: Idi damo nalailoka kaniak Kanayon nga ibagam a patpatgennak Ngem bayat panaglabas ti aldaw Barat' ayatmo in-inut a nagbaaw No diak ibaga nga ay-ayatenka Diak metten mangngeg dayta kenka Saan la a sao aramidem koma/kadi biagko Kasapulak lailo nga agubbog dita puso Ania nga awan nagkurangam? Kayatmo ta innak ibinsabinsan No ibagak amin ida kenka Di umanay daytoy kanta Ania nga awan nagkurangam? Kurang ayatmo a kunkunam Saan laeng a kuartat' kasapulak No di ket nabara nga ayat ANIA NGA AWAN NAGKURANGAM? Sung by Norlita Yere Song from the album "Samiweng ti Aggagayyem" Aweng Records
Request and Dedication: "No kaniak a biang, ay, kas man la ay-ayam dagiti aramid idiay kataltalonan. Ay, awan dukot ken pakariribukan, ti bagi pumigsa sumalun-at pay...." Dayta man ni Danny, maysa nga anak ti mannalon a naigugor iti trabaho't taltalon. Para ken Danny, karbenganna met ti tumulong nangruna no awan ti klase ken tiempo ti bakasion. Ket namnamaenna a didanto maawanan ti biagda a sangkaamaan. Kasta ti mannalon, nagaget, ammona nga isaganaan ti masakbayanna. Ala ngarud, Kailian, intay' man denggen daytoy napintas a panangiyablat ni Danny Palabay ti kanta nga "Anak ti Mannalon."
Request and Dedication: "No agmaymaysaak nga adayo't kasarsaritak, salsaludsodek no kaano a sika man tay makitak. No dimo a marikna sudi ayatmo kaniak. Inton ano a matagikuak dayta pusom a naatap?" Hmm...dayta man ti bugas nga ipaawat daytoy a kanta a napauloan iti "Dayta Pusom A Naatap." Ala man ngarud, imdengantayo...
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... VHEN BAUTISTA Caregiver- [Male Version] Caregiver [Male Version] Words by Rudy Ram. Rumbaoa Music by Avelino N. Bautista From the album "Nalayog Nga Arapaap" back-to-back with Melo Santiago
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... VHEN BAUTISTA and MARIETA RAFANAN Balligi BALLIGI
Sung by: Vhen Bautista & Marieta Rafanan Words by: Rudy Ram. Rumbaoa Music by: Avelino N. Bautista Arranged by: Israel Allen Pascua
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... MARIE PRIETO and VHEN BAUTISTA Sika Sika
Words by: Rudy Ram. Rumbaoa Music by: Vhen Bautista Arranged by: Israel Allen Pascua Duet by: Vhen Bautista & Marie Prieto
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... NORALINE DOMINGO Beinte Minutos Pay
Words by: Rudy Ram Rumbaoa Music by: Avelino N. Bautista Sung by: Noraline Domingo From the album Homesick Versus Dollar
Beinte minutos pay boarding timen biag toy biag Agur-urayen ti pagluganak dika mangliplipat Ta iti lugar a papanak saanko nga awit ti leddaang Ngem ketdi ti ragsak isaganak masakbayan Wen dinakto lipatan tapnon awan pakasidiram Ta uray awanka't dennak addaka't kaungak Dagitinto retratom ken suratmo isuda't liwliwak Ayat ken dungngom sapay ta di marsaak
Beinte minutos pay biagko intanton aginnadayo Agur-urayen ti eroplano innakton sabali a disso Narigat daytoy a kasasaad masapul nga awatenta koman Panaginnadayota sapay ta awan maikalang kadata
Beinte minutos pay panawankan o ayatko Nakalinian dagiti kakaduak innakton umadayo Iti lugar a papanak innak makigasanggasat Gapu't kinakurapay a kasasaad adaywak ti rigat Wen dinakto koma lipatan dimo ilaksid ni ayat Uray awanakto dita dennam kanayonekto't agsurat Dagitoy ti rangtay iliwko a dumanonto kenka Kenka nga ay-ayatek ken bang-ar 'toy kararuak
Request and Dedication:
"Aginggana nga adda dumteng a sardam A mangbiag iti napait a kalman Adipenennak ken ibalud Iti yuyeng da liday ken panagtuok..." Apay ngata a kasta ti kuna da Vhen Bautista ken Marieta Rafanan? Hmmm...ala, intay man ketdi ammuen no ania a talaga ti kayatda nga ibuksilan iti kanta a "Sardam." Ti kanta a "Sardam" ket naipalaon iti kaudian nga album da Vhen ken Marieta ken sinurat ni Victorino Marquez. Ni Avelino N. Bautista ti akin-musika idinto nga inareglo ni Israel Allen Pascua. Inkarga ni Phil Allus iti You Tube. SARDAM Words by Victorino Marquez Music by Avelino N. Bautista Sung by Vhen Bautista and Marieta Rafanan Music Arranged by Israel Allen Pascua You Tube uploaded by Phil Allus Iti saklot ti maidasay a lawag Maipasngay naulpit a pasamak Keddeng mangipaay saem 'toy riknak Ken mangasut saibbek ditoy kaunggak Agsaning-i ti sumangbay a sipnget Iti tunggal labak dayta kinagulib Namin-adun a gamdek nga itarayan Ngem napaayak pudno a diak man maliklikan Aginggana nga adda dumteng a sardam A mangbiag iti napait a kalman Adipenennak ken ibalud Iti yuyeng da liday ken panagtuok Nupay adun a tawen ti limmabas Dina nabaelan a pinukaw ta ranggas Nagtalinaed a sadiwa ti sugat Sanaangnat' kasla mangpirpirsay kaniak Kaanonto ngata, biagko, nga agparbeng Ut-ot nga innak sagsagabaen Mapunas koma kayatko a lipatenen Ngem apay nga adda latta ditoy nakem?
Request and Dedication: Saanka koma mapukawan iti namnama, pagariem ketdi ti panagtalek iti Namarsua. Awan ti imposible no mamatika Kenkuana. Ket mabalinmo a yakar ti bantay, wenno matukod ti baybay, wenno waknitam ti nanglangeb a tangatang... "Mamatika Laeng Kenkuana," dayta ti kababagasan ti kanta ni Vhen Bautista ken sinurat ti Premiado a Mannurat, Editor ti Poetry ken Showbiz ti Bannawag Ariel Tabag. Ni Israel Allen Pascua ti nangurnos ti kanta. MAMATIKA LAENG KENKUANA Sung by Vhen Bautista Words by Ariel Tabag Music by Vhen Bautista Arranged by Israel Allen Pascua Agmaymaysaka Mangur-uray kari a matungpal Kas iti ubbing a mangnamnama Balitok iti bullalayaw Agluluaka latta Awanan rimat dagiti matam Kas iti nanglangeb a tangatang A mamasangbay iti didigra Mamatika kenkuana Ket kabaelam a yakar ti bantay Matukodmo ti baybay Mawaknitam ti tangatang No la ketdi ta mamatika kenkuana Agkalkallautangka Mangsapsapul agsubli a dana Agpadayan dagiti kannaway Agur-uray latta kenka ti away Kabaelam ti agampayag A mangwanawan masakbayam Ta adda panagtalek iti kaunggam Mamatika laeng kenkuana
Request and Dedication: "Bay-anta dagiti pammabalaw/ Agkibinta iti langalang nga inaldaw/ Saan nga isudat' mangiddep iti ragsak/ Sika ken siak, aglawlawta napusaksak."
Nagpintasen a balikas daytoy manipud kadagiti agayan-ayata dinto pulos mangipalubos nga agbaaw ti bara ni ayat.
"Bay-anta Dagiti Pammabalaw," sabali manen nga ilocano a kanta a maipagtangsit babaen iti nasariwawek a pluma ni Corazon F. Quiamas, ken inikkan-biag musika ni Vhen Bautista, The One and Only Prince of Ilocano Songs,manipud iti back to back album da ken ni Marieta Rafanan "Bay-anta Dagiti Pammabalaw." Bay-anta Dagiti Pammabalaw Sung by Vhen Bautista and Marieta Rafanan Words by Corazon F. Quiamas Music by Avelino Bautista Music Arranged by Israel Allen Pascua Aweng Records Music Production & Distribution Released by Rosa Records From the back to back album "Bay-anta Dagiti Pammabalaw" Vhen Bautista and Marienta Rafanan
Imnas, no agiddanta a maipasngay Babaen laeng iti ipapatay Kayatmo ngata tapno pagtangepenta Duapulo a kalgaw a kaadayota? Manongko, sika ti angesko Ngem dika koma sumuko No adayot' baet dagiti bibigta Pagsaipento latta't panagayatta Bay-anta dagiti pammabalaw Agkibinta iti langalang nga inaldaw Saan nga isudat' mangiddep iti ragsak Sika ken siak, aglawlawta napusaksak
Request and Dedication:"Ala baliwam kad, Biagko, ta pakinakem ket punasem ta guram, punasem ta dakes ken dawel. Ta daytoy ayatko ket saan a barengbareng..." Dagitoy man a binatog ti yik-ikkis ti puso ni Manong Baro iti dayag nga ay-ayatenna. Ngem ana ngata ti banagen ni Manong Baro, luktan ngata ni Manang Balasang ti pusona? Hmm...ala man, denggentay' man no kasano ti panangallukoy ni Manong Baro ni Manang Balasang tapno ayatenna saannanto a pagbabawian.
Ngamin Ta Ranggasmo Kaniak Ngamin ta ranggasmo kaniak Amin nga ikikitam ket pakatayak Wen biagko ta guraem sa Ti innak kenka panagayat Ngem siasino kad a parsua Ti di sumken ni karayona Aglalo no innak makita Dayta libnos sudi ken talna? Baliwam kad, baliwam kad Biagko ta pakinakem Punasem ta guram Punasem ta dakes ken dawel Ta daytoy ayatko ta daytoy ayatko Saan a barengbareng Ulbod allilaw biagko, ay awen patiem Dinakto babawien Ngamin ta ulpitmo kaniak Agsasainnek man biagko toy riknak Ipalubosmo kad ala A mapukaw panagsagabak Tarigagayak met ti maayat Wen ta ayatmo a pagbiagak Ngem saem ti iparpariknam Ibsam kadin ta ay-ayennak Baliwam kad, baliwam kad Biagko ta pakinakem Punasem ta guram Punasem ta dakes ken dawel Ta daytoy biagko wen daytoy biagko Bang-aren ni ragsak Luktam ta pusom Ala kaasiannak Yetnagmon ta ayat
Request and Dedication:"Aniat' serserbi toy biag, no dinak met kayat? Ngamin nabayagen, Biagko, nga agdatdaton toy numo no awatennak- itedko kenka ni ragsak..." "Awan sabali nga ayat iti biagko no di sika. Agmaymaysaka toy pusok, awan sabali nga ayat." "Aglabas man ti panawen, diakto pulos agbalbaliw. Daytoy riknak kukuam, Imnas, awan sabali nga ayat..."
Request and Dedication: Manipud pay la iti kakaisuna a Prince of Ilocano Songs, VHEN BAUTISTA, sagutannakay' man ti maysa nga Ilocano Medley manipud iti album "Vhen Bautista, After Ten Years."
Kantaanka, Long Distance Nga Ayat, Carlina Waltz, Gapu Kenka, Tengnga ti Baybay, Sinsintirenka, Sulisog, Sika ti Gapuna, Claveria, Long Distance Love Affair, Ayat, Pagayam, Dardarepdep, Rosario ken Palagip...
