"No agmaymaysaak nga adayo't kasarsaritak, salsaludsodek no kaano a sika man tay makitak. No dimo a marikna sudi ayatmo kaniak. Inton ano a matagikuak dayta pusom a naatap?"

Request and Dedication: "No agmaymaysaak nga adayo't kasarsaritak, salsaludsodek no kaano a sika man tay makitak. No dimo a marikna sudi ayatmo kaniak. Inton ano a matagikuak dayta pusom a naatap?"

Hmm...dayta man ti bugas nga ipaawat daytoy a kanta a napauloan iti "Dayta Pusom A Naatap."


Ala man ngarud, imdengantayo...

"Pudno ngata daytoy atapko nga addan sabali nga ayatmo? Ta mariknak ken madlawko nga idi addakat' arpadko, adayo unay ta pusom iti pusok ken kasla adda pampanunotem a sabali..." Dayta man ti saludsod ni Manong Baro iti patpatgenna. Ket ti kasakit la unay ti nakemna, kasla adda pangigidgidatan ni Manang Balasang ti ayat ni Manong Baro. Ala, denggentay' man no ania ti ibunga daytoy nga atap ni Manong Baro iti kanta a napauloan iti "No Addan Sabali," maysa a napintas nga Ilocano Song.

Request and Dedication: "Pudno ngata daytoy atapko nga addan sabali nga ayatmo? Ta mariknak ken madlawko nga idi addakat' arpadko, adayo unay ta pusom iti pusok ken kasla adda pampanunotem a sabali..."

Dayta man ti saludsod ni Manong Baro iti patpatgenna. Ket ti kasakit la unay ti nakemna, kasla adda pangigidgidatan ni Manang Balasang ti ayat ni Manong Baro.

Ala, denggentay' man no ania ti ibunga daytoy nga atap ni Manong Baro iti kanta a napauloan iti "No Addan Sabali," maysa a napintas nga Ilocano Song.


No Addan Sabali
[Unknown ilocano Artist]

Adda danag toy barukongko
Gapu ta addaka't adayo
Diak ammo no sisiak la ta pusom
Ket amangan no addan ipatpategmo

No pudno daytoy atapko
Nga addan sabali nga ayatmo
Ta di naudi nga addaka't arpadko
Adayo ta pusom ken isipmo

Ti nasakit adda madmadlawko
Pangigidgidiatam toy ayatko
Ammok a sikat' ipatpategko
Sa itan nagbaliwen ta ayatmo

Kuna ni Manong Baro iti kanta nga "UMUNA NGA AYAT" a ni Ading Balasang ti nakariknaanna iti napudno nga ayat, ayat nga awan pumadpad, ayat nga isu laeng ti ramen dagiti dardarepdepna. Ngem kasano ngaruden no awan ti kaimudingan ni Manong Baro iti puso ni Ading Balasang? Ala, dayta ngarud ti takuatentayo no kasano ti panangipeksa ni Manong Baro ti kaririknana iti inna panangharana ken ni Ading Balasang...

Request and Dedication: Kuna ni Manong Baro iti kanta nga "UMUNA NGA AYAT" a ni Ading Balasang ti nakariknaanna iti napudno nga ayat, ayat nga awan pumadpad, ayat nga isu laeng ti ramen dagiti dardarepdepna. Ngem kasano ngaruden no awan ti kaimudingan ni Manong Baro iti puso ni Ading Balasang?

Ala, dayta ngarud ti takuatentayo no kasano ti panangipeksa ni Manong Baro ti kaririknana iti inna panangharana ken ni Ading Balasang...

UMUNA NGA AYAT

Sika ti umuna nga ayatko

Sika't nakariknaak ayat a pudno

Awanen sabali ditoy puso

Aldaw ken rabii sabongnaka't darepdepko

Sika't pakabuklan amin a ragsak

Iti amin a darikmat a makitkitak

Asiakto pay no awan kaimudingak

Malmesak la ketdi taaw kinadaksanggasat

Napudno 'toy ayat awan pumadpad

Indatonko kenka salda 'toy biag

Sika ti aminko ken masakbayak

Umuna nga ayat katukadna daytoy biag

Kas man kayat nga isuko ni Manong Baro ti amin a mabalinna no bilang mapaay iti ayat ni Ading Balasang a pagraywan ken patpatgenna unay. Kunana pay, "Sika ti inkarik nga itungpalko, inggana't ruangan ti tanemko..." Napudno nga agayat, piman. Ala, imdengantay' man ngarud daytoy kanta a "Gapu Kenka."

Request and Dedication: Kas man kayat nga isuko ni Manong Baro ti amin a mabalinna no bilang mapaay iti ayat ni Ading Balasang a pagraywan ken patpatgenna unay. Kunana pay, "Sika ti inkarik nga itungpalko, inggana't ruangan ti tanemko..." 

Napudno nga agayat, piman. Ala, imdengantay' man ngarud daytoy kanta a "Gapu Kenka." Maysa nga orihinal Ilocano a komposision.

Gapu Kenka
 

"No sumangbay kaniak, Biagko,

Dayta ingget sudi a panagayatko

Awan sabali a malagipko

No di dayta rayray a pintasmo...

Ay wen Biagko, pinarmekmo,

Ti isu amin a mabalinko

Ta sika ti inkarik nga itungpalko

Inggana't ruangan diay tanemko
 

Ay, anianton a liday

No itdem ti pammapaay

Anusakto't maidasay

Gapu kenka linglingay

Ay wen Biagko, kaasiannak,

Ammuem a nakurapayak

Gupdem kadin dayta ranggas

Tapnon agbiagak

Wen, agbiagak."

Ala, yantangay nalpas metten ti panes, wagwag ken gulgol, paragsitentay' man ketdi dagiti tokar a maisaang. Parugsoen ken pagalimpatoken ti pampanunot, rikna ken bagi iti daytoy a sagut a kanta ni Ading Balasang ken ni Manong Baro a "Sabong." Barbarengli, a, no purosenna...

Request and Dedication:

Ala, yantangay nalpas metten ti panes, wagwag ken gulgol, paragsitentay' man ketdi dagiti tokar a maisaang. Parugsoen ken pagalimpatoken ti pampanunot, rikna ken bagi iti daytoy a sagut a kanta ni Ading Balasang ken ni Manong Baro a "Sabong."  Barbarengli a no purosenna...

"SABONG" - Ilocano Novelty Song

Manongko, ania ti kukuaem

Apay a mingmingmingannak metten

Naawis kad ta imatangmo

'Toy dakkel nabanglo a sabongko?

Manongko, ania pay la't kukuaem

Apay a dika pay la purosen

Libre met awan ti bayadna

Awan duadua isagutko kenka?

No dika ketdi a muttaleng

Kas kenka sikan ti malaylayen

Dika kad nga agpampamayan

Madamdama awanton ti banglonan,

Ap-apros di a makaanay

Pekpekkel, annay! annay! annay!

Saysay-up di a maitutop

Tugtugkel, ayna ayus-ayos!

"Awan ammok a nagkurangak kenka ta impaayko amin a duyos ta rikna. Linak-amko pammasakitmo ken dusa inibturak gapu ta ay-ayatenka..." kasta man ti panangikompesar daytoy Manong Baro iti napalaus unay a panagayatna ken ni Ading Balasang iti kanta a "Daytoy kadi ti gasatko?"

Request and Dedication: 

Daytoy Kadi Ti Gasatko 

[Dikanto Malipatan]-

Ilocano Song

"Daytoy kadi ti gasatko

  a nagayat ti napudno?

  Pinamatim daytoy puso

  a siak laeng ti ipatpategmo...

  Simmarakka ti sabali

  ket siak tay inka inwaksi

  No utobek diak kenka nagkamali

  arigko tay piman a nakakaasi."

  Awan ammok a nagkurangak kenka

  ta impaayko amin a duyos ta rikna

  Linak-amko pammasakitmo ken dusa

  inibturak gapu ta ay-ayatenka.

  Ti la ammok a basolko kenka

  kinanumo a nagayat kenka

  Panunotem koma ti ilalak kenka

  apay sinugatam daytoy rikna?

  Laglagipem dimonto lipatan

  a ni kaano man dika sinaktan

  Laglagipem uray awan kad'toy dennak

  ay-ayatenka dikanto malipatan."