Sabali pay a musika a sagut ni Vhen para iti Birthday Girl, ni Remy P.

Request and Dedication: "Public may dance." Ala makipagragsak ti amin tapno maimdengan ni Birthday Girl, Remy Piano daytoy a samiweng a sagut kenkuana ti kakaisuna a "Prince of Ilocano Songs," Vhen Bautista. Daytoy a kanta "Kantaanka" ti pinangabak ni Vhen iti Best Regional ti 15th Annual Awit Awards.




 

Para Kenka, Remy...manipud ken ni Vhen Bautista

Request and Dedication: Manipud pay laeng iti Prince of Ilocano Songs, Vhen Bautista, isagutna daytoy a kanta "Musika" ken ni Remy Piano.

Pakpakauna a sagut kanta kenka ti "Sika A Musika 'Toy Pusok..." para iti inka panagkasangay...

Ala ngarud, imdengam ti musika a sagut kenka ni Vhen.

Request and Dedication: Kuna ni Remy, "Kasano a Lipatenka no Adda Sugat ni Ayat?"

Request and Dedication:

Remy Espero Piano

Agyamanak manong. Isagut ko dayta a kanta iti bagik manong. Kas kunada, no awan ti mangsagot kenka, sagutam ti bukod mo a bagi. Pudno di kadi manong? No masagutam ti sabali,apay ketdin a dim sagutan ti bukod mo a bagi?


 Remy Espero Piano
basta love song lattan manong, uray ania a kanta a maipanggep ken ayat. im just imagining that im in love, hehe. libre met agarapaap, di sige-:) -:)

 Manipud pay laeng iti kakaisuna a "Prince of Ilocano Songs" Vhen Bautista, adtoyen Remy ti kiddawmo a sonata a napauluan iti "SUGAT NI AYAT" ken "KASANO A LIPATENKA?"

Ngem sakbay man nga ipatayabta ti kiddawmo a sonata, sagutanka nga umuna iti maysa a daniw. Napauluan iti "Lipatennak."

Lipatennak

Ni Rudy Ram. Rumbaoa

(naipablaak iti Bannawag idi Hunio 27, 2005 ken naiposte iti Iluko.com idi Abril 24, 2006

Lipatennak, no namnamaem

a malipatannak

Guraennak, no namnamaem

a kasuronnak;

Ilunodnak, no namnamaem

a nagbiddutak

Dusaennak, no namnamaem

a maibturak,

Ngem laglagipem koma, Ayatko

Nga addaakto laeng a kalasagmo

Ti ayatko, umap-apoy;

kas taaw a di malansad

Ngem no awanton

ti pategko kenka

Sapay koma ta maawatkonto 

tapno dika metten

Pampanunoten ta no saan, 

ti iliw a diakto masarkedan

Ibitinnakto iti bayangbayang.

[copyright 2006 by rudyram.rumbaoa]

_______________________________

"Sika a Musika 'Toy Pusok..." Request and Dedication from Remy P. -

Kuna ni Remy: "Ne mayat man manong,dedikarak man ngarud amin a kakabagiak ken gagayyyem ko idiay Manueva,Santa,Ilocos Sur ken dagiti nakaikamangak idiay Bantay,Ilocos Sur.Uray ania a kanta nga ilokano.Maysa pay a kanta,maidedikar met kadagiti pamilyak ken kakabagyak diay Bagabag,Nueva Vizcaya.Agyamanak manong."

Ne, Remy, adtoyen ti kiddawmo...manipud ken ni Melo Santiago, napauluan iti "ILIWKO KENKA."

"Sika a Musika 'Toy Pusok..." Request and Dedication from Remy P. to-

Kuna ni Remy Piano: "Ne mayat man manong,dedikarak man ngarud amin a kakabagiak ken gagayyyem ko idiay Manueva,Santa,Ilocos Sur ken dagiti nakaikamangak idiay Bantay,Ilocos Sur.Uray ania a kanta nga ilokano.Maysa pay a kanta,maidedikar met kadagiti pamilyak ken kakabagyak diay Bagabag,Nueva Vizcaya.Agyamanak manong."

Remy, daytoyen ti kiddawmo a sonata...