Sika ti daniw a putar a nailaga iti barukong.
Sika ti napusaksak a sabong nga ingget banglo-agadiwara;
mutia nga impateg ken inayat 'toy pusok.
Sika ti biag nga angesko...
ti ayat a ragsakko...
ken panungpalak.
Adtoyak, ruknoyakanka iti samiweng a ray-aw ta puso ken riknam...
Request and Dedication: "Naatap ni ridep no sika't innak malagip, no sumken 'toy iliwko kenka... Pampanunotenka a no addaka la koma, diro ni ayat nanamenta a dua... Pamrayak ti mangapros ladawam a nalibnos sako iparabaw ditoy puso. Sako matmatmatan singsing nga imprendam, kasko la mangmangngeg di kari ken sapatam." Kasta ti panangipeksa ni MELO SANTIAGO ti iliwna iti ay-ayatenna... Ala, imdengantay' man ti bugas ti kanta ni Melo a napauloan iti "KAILIWKO."
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... VHEN BAUTISTA and MELO SANTIAGO Idolo Idolo Words by Rudy Ram. Rumbaoa Music by Avelino N. Bautista From the album "Nalayog Nga Arapaap" back-to-back with Melo Santiago
Request and Dedication: "Para kadagitay agsagsagana wenno agplanplano pay laeng, wenno nakaplanon ken nakasaganan a kumasar, agkasar, paikasar wenno agkasarto/agpaikasarto pay laeng, maisagut man daytoy a kanta kadakayo "Agnanayontot' Ragsak: manipud pay la kada Prince of Ilocano Songs VHEN BAUTISTA ken The Mellow Songstress MELO SANTIAGO. Kunada: "Ti kawar ni ayat, ti kari ken sapata dinto pulos mapekka-marakrak. Sika ken siak maymaysa inggana't tungpal biag no napudno tunggal maysa, agnanayontot' ragsak..."
VHEN BAUTISTA and MELO SANTIAGO Agnanayontot' Ragsak From the back-to-back album "Nalayog Nga Arapaap"
Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN...
Request and Dedication:Panangpasingked iti napudno nga ayat nga uray pay aginnadayo, dinto marakrak.
Iti panangidawat a mataginayon ti ayat a nabukel sapay ta di agkupas. Adda kadi pay mabalin a makatubeng iti napudno nga ayat- uray kadi pay inggana't tanem?
Ala man ngarud, imdengantayo ti kanta ni Noraline Domingo a "Sika Laeng" no asino ti pangiruknoyanna daytoy a kantana.
SIKA LAENG kinanta ni NORALINE DOMINGO manipud iti back to back album da ken ni MELO SANTIAGO, "BACK2BACK"
Diak man ammo no kasano A sawek kenka, O Biagko, A sika ti ipangpangruna Ti pusok nga agduyos kenka
Sawem kaniak a sisiakto laeng Ti ayatem ingga't tungpal tanem Karik kenka dikanto ikalang Wenno lumdaang
Sika laeng ti ay-ayatek Kanayon a pampanunotek Riknaem bara ti pammateg A para kenka laeng
Ket sapay ta di agbaliw Panangipategmo kaniak Agnanayon a nasin-aw Napudno ta panagayat
Ikarkaragko iti agnanayon Ayat a binukel di agkupas Awan makatubeng nga uray pay Inggana ken tanem
Request and Dedication: Ania ngata no agasawa ti saan nga agkapuli? Mayat ngata met ania? Masursuroda ngata met nga ipateg ti kultura ti sabali? Wenno ti pagsasao? Ti ugali ti tunggal maysa? Ala, saan ngata met a dakes ti agayat ken mangipateg iti sabali a puli ta adu met ti nagbayag iti relasionda. Kas koma iti daytoy makapaisem ken makapakatawa a kanta nga "Arya, Abalayan" ni Melo Santiago, ti The Mellow Songtress. Iti kanta, ti ingngungoten a balasang ti ina naikamang iti taga-Taiwan. Nayaw-awan ti intsik ngem ti balasang, isu metten ti inna sinurotan. Ala tapno maawatantayo, denggentay' man ketdi daytoy a kanta ni Melo...
ARYA, ABALAYAN kinanta ni Melo Santiago[The Mellow Songtress]
Ing-ingungotek a Balasang Naikamang sadiay Taiwan Intsik a naiyaw-awan Isu't inna simmurotan Singkit nga Abalayan Nakasaritak ti sinsinan Tung-ed amin a bakrang Ta dikam' met agkaawatan
Nagtengan ti panagsimpan Ni Baro ken Balasang Ket ditan nga impakatnan Panagsala tay agkumintang Di pulos a makatalnan Agpulpuligos ta salonan Arya, arya Abalayan Ingatomon ta dua nga imam
Nagmayat a kitkitan Ti langa ni Katugangan Kunam no kasigsiguruan Pusegna tay agparang-parang Saan latta a mangibibiang Nadaleb ta salonan Ikkis nga agkakamakam Ala arya, Abalayan
Request and Dedication: Nabayag kanon a di nakitkita ni Ading Balasang ni Manong Baro nga ay-ayatenna isu a komkomustaenna isuna. Kailiw kanon ni Ading Balasang iti kaadda koma ni Manong Baro iti dennana. Komkomustaenna pay no adda nagbaliwan ti ayatna ken no isu pay laeng ti linaon ti pusona...
Ala, intay' man ngarud denggen ni Melo Santiago, ti nabirngasan a The Mellow Songtress ti Ilokandia, no kasano iti panangkomustana ken ni Manong Baro iti kanta a "Hello, Komustakan?"
Karaman daytoy a kanta iti Album a "Rimat Dagiti Bituen."
Request and Dedication: Kas man babbabalawen ni Ading Balasang ni Manong Baro gapu't nagpasaran ti nasam-it nga ayan-ayatda. Kunana, "Dita dennam, awan nagbasolak ta inaramidko met amin a pagragsakam. Ngem ania't insubadmo? Sinaktam laeng 'toy puso, dimo inilala napudno nga ayatko..."
Intay man ammuem no ania pay ti pammabalaw ni Ading Balasang ken ni Manong Baro iti kanta a "Ta Dennam Awan Nagbasolak," ni Melo Santiago, ti nabirngasan a "The Mellow Songtress ti Ilocandia."
TA DENNAM AWAN NAGBASOLAK
kinanta ni Melo Santiago [The Mellow Songtress of Ilocandia]
Request and Dedication: "Kalpasan nga agari't sipnget, aglawag ket ti lubong agngayed. Kasta iti biag rigat ti masagrap, urayem ti panagngudo dayta a rigat..." kasta iti katibker ti pammati da Vhen ken Melo nga adda patingga ti pannubok.
"PANNUBOK" -maysa nga orihinal a komposision a kinanta da Vhen Bautista ken Melo Santiago manipud pay laeng iti album a "Nalayog nga Arapaap.
Request and Dedication: Manipud iti AWENG Productions, USA ken ti panangiwaras ti AQUARIOUS RECORDS & TAPES, Manila, Philippines, maisagut daytoy "IDOLO" kadagiti amin a naayat a dumdumngeg kadagiti kanta da Vhen Bautista [Prince of Ilocano Songs] ken Melo Santiago [The Mellow Songtress].
Musika ni Avelino Bautista ken Liriko ni Rudy Ram. Rumbaoa.
Ala ngarud ta danggayantayo ida iti daytoy "Nalayog Nga Arapaapda." Imdengan ti sonata, ikumpas dagiti saka ken agsala...
Kayat nga idedikar ni CHARICEL C. daytoy a kanta ken ni HUNNY LANCE...
Manipud pay laeng ditoy studio ti "Sika A Musika 'Toy Pusok," ipatayabko man ngarud iti ere daytoy makapikapik a boses ti kakaisuna a naawagan iti "The Mellow Songtress ti Ilokandia"MELO SANTIAGO, kanta a napauluan iti "Laglagipem, Awan Nagkurangak"
Kuna ni Remy: "Ne mayat man manong,dedikarak man ngarud amin a kakabagiak ken gagayyyem ko idiay Manueva,Santa,Ilocos Sur ken dagiti nakaikamangak idiay Bantay,Ilocos Sur.Uray ania a kanta nga ilokano.Maysa pay a kanta,maidedikar met kadagiti pamilyak ken kakabagyak diay Bagabag,Nueva Vizcaya.Agyamanak manong."
Ne, Remy, adtoyen ti kiddawmo...manipud ken ni Melo Santiago, napauluan iti "ILIWKO KENKA."
