Request and Dedication: Narigat a talaga no aginnadayo dagiti agayan-ayat. Adda sulisog nga umar-arubayan tapno masuot ti tibker ti pondasion ni ayan-ayat. Pannakailiw a di masarkedan. Pannakawaw iti nasam-it nga agek. Pannakaikawa. Sapsapulen ti bara ti arakup ni ay-ayaten. Pannakaila iti sidong ni patpatgen...
Ngem kuna ni Manong Baro Angelo Garcia iti kanta a TAPNO DIKA MAILA, "Ur-urayek ta tawagmo, Biagko, tapno maikkatan dayta iliwmo. Bay-am nga iyebkasko ti I love you. Sika la't malaglagipko..."
Denggentayo man ngarud ti pakabuklan daytoy a kanta. Maisagut kadagiti amin nga agassawa, agayan-ayat, kadagitay dina pay napadasan iti nagayat, kadagiti paay-ayat, kadagiti nagayat iti nalaus unay, kadagiti napaay ken ayat, ken no ania ditan a klase a naiparikna nga ayat...
TAPNO DIKA MAILA
-kinanta ni Angelo Garcia
Addaak ditoy, addaka dita
Adayo unay nagbaetanta;
Diak ammo no kasanoka
No sumipnget, malagipnak ngata?
No bukodmo tay siksika
Buybuyaem kad' retratota a dua?
Dimo kadi la marikna
Daydi bara't ayatko kenka?
Tapno sika tay di unay maila
Alaem sursuratko ta inka agbasa
Ngem no di mapnek ta rikna
Agdayalka ta tumawagka
Ur-urayek ta tawagmo, Biagko
Tapno maikkatan dayta iliwmo
Bay-am nga iyebkasko ti "I Love You"
Sika la't malaglagipko...
