Makaited man iti inspirasion daytoy kansion ni Manang Andrea Baptista kadagiti nakamirduot wenno nakamisuot, dagiti malidlidayan wenno mapukawan iti namnama, dagiti maabak wenno mapaay; kunana kadakuada: " Umisemka uray no narigat, likudan ti ulep ti init naraniag. Umisemka inka kad agalibtak ta gun-odem napudpudno a ragsak."

Request and Dedication: Makaited man iti inspirasion daytoy kansion ni Manang Andrea Baptista kadagiti nakamirduot wenno nakamisuot, dagiti malidlidayan wenno mapukawan iti namnama, dagiti maabak wenno mapaay; kunana kadakuada: "

Umisemka uray no narigat, likudan ti ulep ti init naraniag. Umisemka inka kad agalibtak ta gun-odem napudpudno a ragsak." Kuna pay ni Manang Andrea nga innayon: "Ta nagkadua ti maris ti lubong. Adda ragsak ken panagkumikom, sumipnget man ti lubong iti sardam- Umisemka baro a bigat padaanan..." 

Ala wen, intay' man utoben daytoy napintas a kansionna nga "UMISEMKA," maysa nga orihinal a komposision.

Umisemka

ni Andrea Baptista

Wen narigat, ngem umisemka

Ta dumtengto ti baro a namnama

Inton mangwaknit ti naulep a langit

Rumaniagton dika laeng madesnes

Ta nagkadua ti maris ti lubong

Adda ragsak ken panagkumikom

Sumipnget man ti lubong iti sardam

Umisemka baro a bigat padaanan

Umisemka dika nga aglimdo

Dimo itulok a maabak ta nakemmo

No ita ket mapaay di kaaligan 

Agalibtakka ta bagimton maminsan

Umisemka uray no narigat

Likudan ti ulep ti init naraniag

Umisemka inka kad agalibtak

Ta gun-odem napudpudno a ragsak

Umisemka arakupem ni gundaway...

Ay, para kadagiti nakamisuot, "Umisemkayo!!!"

Request and Dedication: Kuna ni Andrea Baptista, "Umisemka" iti daytoy a kantana. Ala ngarud pada nga adu't problemana- no adda utang, problema kadagiti kasimpungalan, boyfriend/girlfriend, gagayyem wenno dagiti nakautang kenka, umisemka Kabsat! Lipaten ti problema...

Ne, dagiti mayat nga agsala, ikumpasyo dagiti saka ta agsalakayo....