"Ala Tata, Nana, ay itdenyo ketdin ala... tupig, tinubong, puto bungbong wenno kuarta. Dikay' agim-imut idasaryo koma, aginaldomi nga umay maki-Paskua..." nagmayat man ti panagpaskua ni Vhen. Ala, danggayantay' man ngarud isuna iti kanta a "Panagrambak."

Request and Dedication: "Mapatit kampana ti simbaan tunggal agsapa misa a nasantoan. Padapada nga intay' rambakan, pannakayanak Messias Mangisalakan. Adda ngarud gagar ken segga, madanonan kastoy a petsa. Adda ragsak tunggal maysa, di malapdan nagpaiduma a rikna..."

"Panagrambak, aldaw kaipapanan a nagasat. Ti Messias inyegna't kappia ken ayat, pammakawan tunggal agkakabsat. Panagrambak anian a nagragsak!"

"Panagrambak anian a nagragsak, iwaksi koma ti apal ken gura. Pagarien pudno nga anag ti Paskua, iti puso, iti panunot, ken kararua...Panagrambak, anian a nagragsak!"

"Ala Tata, Nana, ay itdenyo ketdin ala... tupig, tinubong, puto bungbong wenno kuarta. Dikay' agim-imut idasaryo koma, aginaldomi nga umay maki-Paskua. Danggayandakam' nga agkanta, Naragsak a Paskuayo awan labasna. Panagrambak itay agkaykaysa, aldaw ti Paskua anian a ragsakna..."

"Panagrambak!"

Maysa nga orihinal a komposision a kanta ti Paskua ti "Panagrambak" a sinurat ni Rudy Ram. Rumbaoa, ken musika ni Avelino N. Bautista. Karaman ti nasao a kanta iti album ni Vhen Bautista a napauloan iti "Sagut" kenka ni Vhen Bautista.

"Krismas iti Filipinas." Wen, awan ngatan ti karagsakan a pannakarambak ti krismas no di ti mangrambak ti krismas iti bukod a nakayanakan. Sadiay, mariknam ti pudno nga anag ti Paskua... ti namulagatan a kultura no kasano a rambakan ni Ilocano ti panagsagana iti isasangbay ti Mannubot. Awisekay' man Kailian ta danggayantay' man ni Vhen nga agkanta--makipaskua...

Request and Dedication: "Amin a masabatmo ragsakda't naiduma, ikablaawda kenka "Merry Christmas, Kaka! Ay, itdemon ta aginaldo," sadanto kuna. Saan a mabalin a dika mangrikna..."

"Tatang, Nanang, Lolo, Lola, Manong, Manang...agraman pay ni Ading masapada nga agriing, mapanda maki-Simbang Gabi sadiay ili- makipagsagana iti isasangbay ti Ari...."

"Ay wen, nagragsak ti Krismas iti Filipinas, Kaili..."

Ala wen, danggayantayo man ni Vhen Bautista a makipaskua-- 

Manipud pay laeng iti album a "Sagut Kenka ni Vhen Bautista," sabali manen a pamaskua a bilang ti isagut kadakayo ti Sika A Musika 'Toy Pusok-- ti "KRISMAS ITI FILIPINAS" [Christmas in the Philippines].

Ne, bulan gayam ti Ber, Ber, Beren. Mariknak a lumamlamiisen ti tiempo. Ket kas pangbusat a sagut pamaskua ni Vhen kadatayo iti daytoy a bulan ti Setiembre, adtoy man nga iruknoyko kadakayo amin awan labasna ti maysa nga orihinal a komposision a kanta ti Paskua, "Naragsak A Paskuayo [Merry Christmas]

 Request and Dedication: "Dagiti bituen sadiay langit, silnagda't mangipaneknek. Nalamiis pul-oy ti angin, pakdaar ti kaaddan ti Paskua..."

"Nakabiti a parol iti tawa, narangrang a dekorasion ti silaw. Naparagsit a kanta ti Paskua, anian a ragragsak ti sangapada..."

Manipud iti album a "Sagut kenka ni Vhen Bautista," sidadayaw nga isagut ti Sika A Masika 'Toy Pusok ti kanta a "Naragsak A Paskuayo" [Celebration].

Ti "Naragsak A Paskuayo" ket maysa kadagiti 16 a kankanta a linaon ti nasao nga album. Ni Avelino Bautista ti akinputar ti musika idinto a sinurat ni Rudy Ram. Rumbaoa.

Ne, ana ngarud ti ur-urayenyo, kailian? 'Maykayon ta danggayantayo ni Vhen a mapan maki-Paskua.