Non-Stop Ilocano Chrismtas Songs manipud iti Prince of Ilocano Songs, Vhen Bautista

Request and Dedication: Non-Stop Ilocano Chrismtas Songs manipud iti Prince of Ilocano Songs, Vhen Bautista

Sagut Kenka ni Vhen Bautista
1. Krismas iti Filipinas
2. Pamilia
3. Paskua
4. Agawidakto, Ikarik Dayta
5. Naragsak a Paskuayo*
6. Panagdedenna
7. Aldaw ti Paskua*
8. Sagut
9. Christmas Bonus**
10. Naraniag a Paraangan**
11. Agpayso Kadi nga Adda Santa Claus?
12. Aginaldo**
13. Panagrambak*
14. Baro a Tawen
15. Tallo a Mamasirib***
16. Ni Apo Dios ti Mangbendision Kenka

All songs composed by Avelino Bautista
Lyrics by
*Rudy Ram. Rumbaoa
**Eliseo B. Contillo
***Jose A Adriano

Kuna ni Vhen Bautista, ti "Prince of Ilocano Songs" ken agnaeden iti California, USA, a maragsakan a mangisagut daytoy nga albumna kadagiti pada a nangisit ti sikona.

Ti Sagut Kenka ni Vhen [Ita a Paskua]
ni Rudy Ram. Rumbaoa



"DIMTENGEN nabayag nga inur-uray, padapadatay a mangpasangbay; adda ragsak tunggal bumalay, adtoyen aldaw ikkan gundaway..."

Pudno Kaili, dimtengen ti nabayagtayo nga inur-uray-- ti isasangbay ti pannakayanak ti Mannubbot! Paskuan!

Kunana pay iti kanta: "Ayug ti Paskua addan a mangngegan, tunggal umili inda agisaganan; noche buena, tupig wenno suman, pagsasangnguan a dinto malipatan..."

Wen, baknang man wenno pobre, agpapada a mangrambak iti Paskua. Awan ti nangato, awan ti maibilang a nababa iti daytoy napnoan kaipapanan nga aldaw [ngem puera delos buenos, adda dagiti sekta wenno sabali a relihion a di mangrambak iti Paskua]. Padapadatayo iti imatang ti Dios.

Kuna ni Vhen Bautista, ti "Prince of Ilocano Songs" ken agnaeden iti California, USA, a maragsakan a mangisagut daytoy nga albumna kadagiti pada a nangisit ti sikona. Malagip a daytoy ti kaunaan a Christmas albumna a rimmuar idi 2006.

Iti biang ni Vhen, naidumduma daytoy a Christmas albumna no maidilig kadagiti dadduma a rimmuar idin a kantana a Pamaskua.

Daytoy ngamin ti kaunaan nga ayug Pamaskua nga albumna a puro orihinal a komposision. "Panagdedenna" nangruna iti kaaldawan ti Paskua ti konsepto ti album.

Kunana a, "Naipaugalin kadatayo a Filipino ti panagdedenna iti Aldaw ti Paskua. Ket dita ti 'yan ti pudno nga anag ti Paskua."

Agpayso ti kuna ni Vhen, awan ti mamaay ken kaipapanan ti Paskua no saanmo a kadenna ti pamilia. Ti panagdedenna iti Paskua, napnoan ti ragsak. Ket gapu iti daytoy, adu dagiti ka-Filipinoan iti agawid idiay Filipinas tapno madennaan dagiti pampamiliada. Adda ngarud sadiay ti 'yan ti pusoda. Adda iti nakayanakan a daga ti ragsakda!

Iti "Sagut" kenka ni Vhen Bautista a Christmas album, inlawlawagna nga ar-arapaaenna a kanayon ti "Krismas iti Filipinas," maysa kadagiti kanta iti album, ta ditoy a mariknana ti ragsak. 

Iti sabali a bangir, pinutar ni Vhen ti "Pamilia" tapno gutigotenna dagiti kameng ti pamilia nga adda iti sabali a lugar a mapan agbakasion iti Filipinas ken tapno agdedenna dagitoy iti tiempo ti Paskua.

Iti koro ti kanta nga "Aldaw ti Paskua," a sinuratko ken karaman iti album kunana: "Ita ti aldaw ti Paskua, adda ragsak tunggal maysa; ita nga aldaw ti Paskua, iwagsak ti apal ken gura..."

Ti kanta a "Paskua," ipalagipna ken ni Vhen ti kinaadu a tao kadagiti shopping malls wenno tiendaan a mapan aggatang kadagiti regaloda. Sabali laeng ti "Agawidakto [Ikarik Dayta]," iladawan ti kanta ti maysa a pagayamna a kanayon nga agmaymaysa a mangselebrar/mangrambak iti Paskua.

Isagutna met ti kanta a "Baro a Tawen" iti maysa a gayyemna a nayaw-awan-- naisungsong ken nasumokna ti agusar iti maipawil a droga. Kayat nga ipaawat ni Vhen iti kantana, "a saan pay a naladaw ti amin ken adda pay la namnama nga agbalbaliw."

Mabalin met a kantaen ti "Ni Apo Dios ti Mangbendision Kenka" uray saan a panawen ti Paskua ta mabalin a pang-birthday, pangbuniag ken dadduma pay nga okasion ti nasao a kanta.

Pangkoro met ti resulta ti kanta a "Naraniag a Paraangan" ken "Panagrambak."

Manen iti kanta kunana: "Adda koma ayat nga agari, gura a naigamer intay iwaksi; tunggal puso inna koma awaten, pammakawan a di barengbareng..."

Pudno, iti panawen ti Paskua, tiempo ti panagkakappia ken panagpipinnakawan. Ngem puera delos buenos, adu't aginkukuna. Manglimlimo. Aginsasayaat ngem iti naguneg ti pusona, anian a rinuker ken ig-iggesen pay!

Dagiti sabali, gundawayanda daytoy a tiempo. Ngem iti kamaudina, rummuar ti pudno a maris ti kinatao ken ugalina.

Ita a Paskua, sagutannaka ni Vhen iti kanta. Imdengan. Timuden. Riknaen ti apros ti kanta kenka.

Dagiti linaon ti album: "Pamilia," "Paskua," "Agawidakto [Ikarik Dayta]," "Panagdedenna," "Sagut," "Agpayso Kadi nga Adda Santa Claus," "Baro a Tawen" ken "Ni Apo Dios ti Mangbendision Kenka" a sinurat amin ni Vhen.

Sinurat met ti autor ti "Naragsak a Paskuayo," "Aldaw ti Paskua," ken "Panagrambak" idinto a ni Eliseo Contillo ti nangsurat ti "Christmas Bonus," "Naraniag a Paraangan," ken "Aguinaldo." Sinurat ni Fr. Jose Adriano ti "Tallo a Mamasirib."

Naipangruna iti album ti "Krismas iti Filipinas." Inruar ti A & B Records International [Australia/USA] ken inwaras met iti Filipinas ti Synergy Records.

Ni Fr. Adriano ti executive Producer idinto a ni Rosario Canto Bautista, kaingungot ni Vhen, ti Producer. Inurnos ni Eddie "Boss" Velasco dagiti amin a kanta.

Ala ngarud, ag-Paskuatayo. Kunatayo:

*PANAGRAMBAK
[Lyrics by Rudy Ram. Rumbaoa]

i. Mapatit kampana ti simbaan
Tunggal agsapa misa a nasantoan,
Padapada nga intay rambakan
Panakayanak Messias mangisalakan

ii. Adda ngarud gagar ken segga
Madanonan kastoy a petsa,
Adda ragsak tunggal maysa
Di malapdan nagpaiduma a rikna

koro:

Panagrambak anian a nagragsak
Aldaw kaipapanan ken nagasat,
Ti messias yegna't kappia ken ayat
Pammakawan tunggal agkakabsat

Panagrambak intay agkaykaysa
Iwaksi koma ti apal ken gura
Pagarien ti pudno nga anag ti paskua
Iti puso iti pannunot ken kararua

iii. Ala ngarud Tata, alaemon Nana
Tupig, noche buena wenno kuarta
Dikay agimut idasaryo koma,
Aginaldomi nga umay maki-Paskua

iv. Danggayandakam ngad agkanta
Naragsak a paskuayo awan labasna
Panagrambak intay agkaykaysa
Aldaw ti paskua anian a ragsakna!*

Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... VHEN BAUTISTA Aldaw ti Paskua

Request and Dedication:  Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN...


VHEN BAUTISTA
Aldaw ti Paskua


Aldaw ti Paskua
Words by Rudy Ram. Rumbaoa
Music by Vhen Bautista
From the album "Sagut Kenka ni Vhen Bautista]

Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN...

Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN...


VHEN BAUTISTA
Panagrambak [Celebration]


Panagrambak [Celebration]
Words by Rudy Ram. Rumbaoa
Music by Vhen Bautista
From the album "Sagut Kenka ni Vhen Bautista" 

"Ita ti aldaw ti Paskua, adda ragsak tunggal maysa. Iwagsak ti apal ken gura, ita nga aldaw ti Paskua. Ita nga aldaw ti Paskua, adda ragsak tunggal maysa. Ilaksiden ti panaginkukuna, ita nga aldaw ti Paskua..."

Request and Dedication: "Ita ti aldaw ti Paskua, adda ragsak tunggal maysa. Iwagsak ti apal ken gura, ita nga aldaw ti Paskua. Ita nga aldaw ti Paskua, adda ragsak tunggal maysa. Ilaksiden ti panaginkukuna, ita nga aldaw ti Paskua..."

Wen, nadanonanen ti aldaw a nabayag nga inur-uraytayo. Dimtengen ti kararagsakan a paset ti tawen- Ti Pannakarambak iti Pannakaipasngay ti Mannubot. 'Maykan, Angkuan, itugotmo ta gitara ta intayo kaduaen ni Vhen a maki-Paskua. 'Maykan, 'maykan, Angkuan, ta intayo makipagrambak. Dika agsadsadut tapno ti grasia saan kenka a naimut...

"Aldaw ti Paskua" karaman iti album ni Vhen Bautista, ti Prince of Ilocano Songs a Sagut Kenka ni Vhen Bautista.




 

Wen, Angkuan, Paskuan! Sabali pay a sagut pamaskua ni Vhen Bautista, ti Prince of Ilocano Songs, ti "Naragsak a Paskuayo!" Umaykayo ket makidanggatayo ken Vhen a makipagrambak iti yaay ti Messias. Pagarientay' koma ti kappia ket palugodan ti ayat nga agari kadagiti puspusotayo. Pasantaken ngarud ti pudno nga anag ti Paskua.

Request and Dedication: [Repost]

"Dagiti bituen sadiay langit, silnagda't mangipaneknek. Nalamiis pul-oy ti angin, pakdaar ti kaaddan ti Paskua.

Nakabitin a parol iti tawa, narangrang dekorasion ti silaw. Naparagsit a kanta ti Paskua, anian a ragragsak ti sangapada!"

Wen, Angkuan, Paskuan! Sabali pay a sagut pamaskua ni Vhen Bautista, ti Prince of Ilocano Songs, ti "Naragsak a Paskuayo!" 

Umaykayo ket makidanggatayo ken Vhen a makipagrambak iti yaay ti Messias. Pagarientay' koma ti kappia ket palugodan ti ayat nga agari kadagiti puspusotayo. Pasantaken ngarud ti pudno nga anag ti Paskua.

"Naragsak a Paskuayo" [Merry Christmas] ket karaman iti album a "Sagut Kenka ni Vhen Bautista
 

"Ala, Tata, Nana, ay, itdenyo, ketdin, ala. Tupig, Tinubong, Puto Bongbong wenno Kuarta. Dikay' agim-imut, idasaryo koma, aginaldomi nga umay maki-Paskua. Danggayandakam' ngad agkanta, Naragsak a Paskuayo awan labasna! Panagrambak intay' agkaykaysa. Aldaw ti Paskua, anian a ragsakna!"

Request and Dedication: "Ala, Tata, Nana, ay, itdenyo, ketdin, ala. Tupig, Tinubong, Puto Bongbong wenno Kuarta. Dikay' agim-imut, idasaryo koma, aginaldomi nga umay maki-Paskua. Danggayandakam' ngad agkanta, Naragsak a Paskuayo awan labasna! Panagrambak intay' agkaykaysa. Aldaw ti Paskua, anian a ragsakna!"

Ket ania pay ti ur-urayenyo, Kakabsat? 'Maykayon ta kaduaentayo man ni Vhen Bautista, ti Prince of Ilocano Songs, a mapan maki-Paskua. Makipagrambaktayo ngarud iti daytoy Aldaw a Nagasat!

"Panagrambak [Celebration]" manipud pay laeng iti album a Sagut Kenka ni Vhen Bautiista.

Ta ania't serserbi dagiti agkakangina a regalo no awanka met iti denna dagiti mangipatpateg kenka? Palabsam kadi manen, Kabsat, daytoy a Paskua nga awanka iti sidongda?

Request and Dedication: Ne, dagiti pada nga adda iti adayo, no nagkarikayo, masapul a tungpalenyo. Ti kaaddam iti denna iti ing-ingungotem a pamilia ti karagsakan ken kapatgan siguro a sagutmo kadakuada. 

Ta ania't serserbi dagiti agkakangina a regalo no awanka met iti denna dagiti mangipatpateg kenka? Palabsam kadi manen, Kabsat, daytoy a Paskua nga awanka iti sidongda?

Ala ngarud imdengantay' man daytoy napnoan kaipapan a kanta ni Vhen Bautista, ti Prince of Ilocano Songs, ti "AGAWIDAKTO [IKARIK DAYTA]," manipud pay laeng iti album a "Sagut Kenka ni Vhen Bautista."

Ala ngarud, imdengantayo man ti pangbusat a pamaskua nga ayug nga isagut kadatayo ni Vhen Bautista, ti Prince of Ilocano Songs, "Krismas iti Filipinas," manipud pay laeng iti album a "Sagut Kenka ni Vhen Bautista

Request and Dedication: Ne, Disiembre'n, Kailian. 'Nia pay aya ti kukuaem? Maykan ta intay makipagragsak iti pannakayanak ti Mannubbot...

Ala ngarud, imdengantayo man ti pangbusat a pamaskua nga ayug nga isagut kadatayo ni Vhen Bautista, ti Prince of Ilocano Songs, "Krismas iti Filipinas, [Christmas in the Philippines]" manipud pay laeng iti album a "Sagut Kenka ni Vhen Bautista"

Dagiti dadduma pay a linaon ti nasao nga album:

-Pamilia [Family]

-Paskua [Christmas]

-Agawidakto, Ikarik Dayta [I Will Come, I Promise]

-Naragsak A Paskuayo [Merry Christmas]*

-Panagdedenna [Togetherness] duet with Rema Zoleta

-Aldaw Ti Paskua [Christmas Day]*

-Sagut [Gift]

-Christmas Bonus **

-Naraniag A Paraangan [By Your Glowing Facade]**

  Featuring: The Aweng Singers

-Agpayso Kadi nga Adda Santa Claus? [Is it true there is a Santa Claus?]

-Aginaldo [Christmas Gift]**

-Panagrambak [Celebration]*

-Baro A Tawen [New Year]

-Tallo A Mamasirib [Three Wise Men]***

-Ni Apo Dios ti Mangbendision Kenka [God Will Bless You]

All songs composed by Avelino N. Bautista. Lyrics by *Rudy Ram. Rumbaoa, **Eliseo B. Contillo, ***Jose S. Adriano.

Manufactured, released and distributed in Australia by A & B Records International. Distributed in the Philippines by Synergy Records. Distributed in the US by AWENG Records [USA]. 

Copyright 2006 by AWENG [USA] Music Publishing

Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.

Request and Dedication:  Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.  Nayanak ni Mikaela diay America ngem makapagsao iti Ilocano.

Ni Mikaela Vien Bautista ket anak da Vhen Bautista [ti Prince of Ilocano Songs] ken Rosario Canto Bautista. Maysa nga orihinal a komposision ni Vhen ti kanta a "Nanang."

"Ni Nanangko, ay-ayatennak

  Adun dagiti rigrigatna kaniak

  Siam a bulan nga inaw-awirnak

  Ayatna la, ayatna la nga agbiagak...

  Awan ngatan ti kaanusan

  No ti saan, saan a ni Nanang

  Itedna amin nga inna kasapulan

  Agyamanak, agyamanak, O Nanang.

  Nanang, Nanang, sika't kapapatgan

  Pammagbagam nagalistokan

  Nanang, Nanang, sika't pagtamdan

  Silawka naurnos a pagtaengan."

Danggayantay' man ni Vhen Bautista, ti Prince of Ilocano Songs, iti daytoy a kanta "Aldaw ti Paskua." Pasangbayentayo koma ti pudno a Paskua kadagiti puspuso, ket iwaksi ti gurang-gura. Pagarien ti kappia. Pakawanentay' met dagiti kakabsat iti aniaman a nakabasolan wenno nagkuranganda. Adda koma ayat...ta daytoy ti pudno nga anag ken kaipapanan daytoy nga aldaw- Paskua!

Request and Dedication: 

"Dimtengen nabayag nga inur-uray
Padapadatay' a mangpasangbay,
Adda ragsak tunggal bumalay
Adtoyen aldwa ikkan gundaway...

Ayug ti Paskua addan mangngegan
Tunggal umili inda agisaganan,
Noche Buena, tupig wenno suman
Pagsasangngoan a dinto malipatan

Ita ti aldaw ti Paskua
Adda ragsak tunggal maysa,
Iwagsak ti apal ken gura
Ita nga aldaw ti Paskua

Ita nga aldaw ti Paskua
Adda ragsak tunggal maysa,
Ilaksiden panaginkukuna
Ita nga aldaw ti Paskua

Adda koma ayat nga agari
Gura a naigamer iwaksi,
Tunggal puso inna awaten
Pammakawan a di barengbareng..."

Dimtengen, Kailian. Wen, dimtengen ti nabayagtay' nga inur-uray. Adtoyen ti Paskua, ket anian a ragragsak ti sangapada!

Danggayantay' man ni Vhen Bautista, ti Prince of Ilocano Songs, iti daytoy a kanta "Aldaw ti Paskua." Pasangbayentayo koma ti pudno a Paskua kadagiti puspuso, ket iwaksi ti gurang-gura. Pagarien ti kappia. Pakawanentay' met dagiti kakabsat iti aniaman a nakabasolan wenno nagkuranganda. Adda koma ayat...ta daytoy ti pudno nga anag ken kaipapanan daytoy nga aldaw- Paskua!

Ti Aldaw ti Paskua ket karaman iti album ni Vhen a "Sagut Kenka ni Vhen Bautista/2006." Sinurat ni Rudy Ram. Rumbaoa ken musika ni Avelino Bautista.

 

Ne, bulan gayam ti Ber, Ber, Beren. Mariknak a lumamlamiisen ti tiempo. Ket kas pangbusat a sagut pamaskua ni Vhen kadatayo iti daytoy a bulan ti Setiembre, adtoy man nga iruknoyko kadakayo amin awan labasna ti maysa nga orihinal a komposision a kanta ti Paskua, "Naragsak A Paskuayo [Merry Christmas]

 Request and Dedication: "Dagiti bituen sadiay langit, silnagda't mangipaneknek. Nalamiis pul-oy ti angin, pakdaar ti kaaddan ti Paskua..."

"Nakabiti a parol iti tawa, narangrang a dekorasion ti silaw. Naparagsit a kanta ti Paskua, anian a ragragsak ti sangapada..."

Manipud iti album a "Sagut kenka ni Vhen Bautista," sidadayaw nga isagut ti Sika A Masika 'Toy Pusok ti kanta a "Naragsak A Paskuayo" [Celebration].

Ti "Naragsak A Paskuayo" ket maysa kadagiti 16 a kankanta a linaon ti nasao nga album. Ni Avelino Bautista ti akinputar ti musika idinto a sinurat ni Rudy Ram. Rumbaoa.

Ne, ana ngarud ti ur-urayenyo, kailian? 'Maykayon ta danggayantayo ni Vhen a mapan maki-Paskua.