Request and Dedication: BOBBY GUTIERREZ/Cordillera-Ilocano Kundiman

Request and Dedication: BOBBY GUTIERREZ manipud iti album a "Cordillera-Ilokano Kundiman." Karaman ditoy ti Diay Bullalayaw, Gasatko, Adtoyakon O Imnas, Bin-ig Met A Sennaay, Bassit Dakkel Mayat Latta, Surotenkanto, Ipalubosmo Koma, Napudno Toy Ayatko, Awanen ti Ragsak, Ay Nagsaemen, Ni Asawam, Masapa a Maasawaan, Parbangon nga Apagsipasip, O Linglingay, Dayta Pintasmo, Orasna...

Dinak Kad Dildillawen ni BOBBY GUTIERREZ

Request and Dedication: 

"Dinak kad dildillawen, O Naranggas a Bituen. Ti ipaspasarayko kenka, ti agsublisubli..."

Ania ngata aya ti ibagbaga ni Manong Baro? Ala, imdengantay' man ta kaammuan no ania daytoy ibagbaga ni Bobby Gutierrez iti kanta a "DINAK KAD DILDILLAWEN."

Kuna ni Bobby: "O, Sabong a nagpaiduma ti banglo ken pusaksakna. Palubosam man 'toy numo nga umay mangpuros kenka. Insungbat ni Dolly: "Ibagayo Kadi Nga Ur-urayek..." Ket kamaudiananna, nagsabat met laeng iti dalan da Ari ken Reyna Dagiti Kankanta nga Ilokano.

Request and Dedication: Kuna ni Bobby: "O, Sabong a nagpaiduma ti banglo ken pusaksakna. Palubosam man 'toy numo nga umay mangpuros kenka. Italimengka iti nalmeng ditoy lansad barukongko, siksikanto laeng patiem ti innak patpatgen..."

Insungbat ni Dolly: "Ibagayo Kadi Nga Ur-urayek..."

Ala, intay' man ngarud imdengan no kasanot' panangpuros ni Manong Baro iti kunaenna a sabong a patpatgenna iti kantana a "Sabong A Nagpaiduma." Ket denggentay' met no kasanot' panangsungbat ni Manang Dolly ken ni Manong Baro iti kanta nga "Ibagayo Kadi Nga Ur-urayek." 

Ket kamaudiananna, nagsabat met laeng iti dalan da Ari ken Reyna Dagiti Kankanta nga Ilokano.

"Bituenka nga ingget raniag, lawlawigan a nalapsat. Ta ayatmo't inkan iyetnag ta aywanak a siaannad..." apounayen a panangyablat ni Bobby G. dagitoy a balikas iti kanta a "Lawlawigan."

Request and Dedication: Sabali pay a sagut ti 'Sika A Musika 'Toy Pusok' kadakayo a kanta ni Bobby Gutierrez, ti King of Ilocano Songs, napauluan iti "Lawlawigan."

Ala ngarud, Papagayam, imdengantay' man no kasano ti panangyablat ni Bobby dagiti balikas ti kanta iti pagdatonanna a balsang.

"Sabongka a napusaksak, dayta banglom ket agadiwarnak. Ammom no makalagipak, ayatmo't timek 'toy riknak..."

"Kaska man lawlawigan, nakigaw a balasang. Diakto kenka umalastra agingga a dika maala."

"No sika't mabukodak, pusok ti iraragsak. Murmuraynaka 'toy matak a di agressat."

"Bituenka nga ingget raniag, lawlawigan a nalapsat. Ta ayatmo't inkan iyetnag ta aywanak a siaannad..."

"Dardarepdepek nga agnanayon, dagidi lailom kaniak. Regta ken dungngo aglalo no innak kenka agpasugnod. Agarubos luluak mabuyogan ti panangay-ayom..." kasta man ti panangtapat ni Bobby Gutierrez iti balasang nga ay-atenna iti "Dardarepdepek nga Agnanayon"

Request and Dedication: Sabali pay a kanta nga agpaay kadagiti masmasnaayan, mariribukan unay a babbaro gapu't ulpit a nasagrap dagiti pusoda. Danggayantay' man ketdi ngarud ni Bobby Gutierrez, ti King of Ilocano Songs, nga agkanta ta bareng malunag ti rikna ti dayag nga ay-ayatentayo ket ay-ayenda ti nakakaasi a puso...

"Bin-ig amin a sasainnek. Ti biag tellay nga an-anek-ek. Ti lak-amen daytoy pusok, ay ngaminen dayta ulpit..."

"Ta no iti sam-it ni ayat. Sudi na di sipapasnek mayaw-awanda amin, gapu't pategna't sabali."

"Dardarepdepek nga agnanayon, dagidi lailom kaniak. Regta ken dungngo aglalo no innak kenka agpasugnod. Agarubos luluak mabuyogan ti panangay-ayom..."

"Ngem no itan dinak pay perngen, dinak pay a kitaenen. Daydi ayat intalalim ti ayat ken panagibim. Wenen Biagko diak ladingiten no dimo la panunoten, ti sudi ken takneng ngem apayaunayen."

"Lagipem di ayat nga ilillilim tapnon di sabali a pateg. Dinak kad ruroden, ta ngay siksika ti ay-ayatek. No rebbengna nga ipasabalimon dayta kaasim..."

"UMAY KUMABLAAW isu ti immayanmi kadakayo..." kastoy man ti pasakalye ti kanta ni Bobby Gutierrez ken ti grupona. Gitara ken bandoria iti panangkompaniarda ti kanta ken bitbitda ti bay-on a pangikabilanda iti aguinaldo nga awatenda. Ken adda pay hasag a mangsilnag iti dalanda...

Request and Dedication:  "UMAY KUMABLAAW isu ti immayanmi kadakayo..." kastoy man ti pasakalye ti kanta ni Bobby Gutierrez ken ti grupona. Gitara ken bandoria iti panangkompaniarda ti kanta ken bitbitda ti bay-on a pangikabilanda iti aguinaldo nga awatenda. Ken adda pay hasag a mangsilnag iti dalanda...

 Ala ngarud, Kailian. Danggayantay' man nga agkanta dagitoy umay maki-Paskua, ket iyawat tay' met ti aguinaldo da...

Manipud pay la iti studio ti 'Sika A Musika 'Toy Pusok,' isagutna kadakayo ti sabali pay a kanta ni Bobby Gutierrez, ti kakaisuna a nabirngasan iti "King of Ilocano Songs," ti "Umay Kumablaaw."

Kunada:

"Isu ti immayanmi kadakayo, umay kumablaaw ta nadayaw a balayyo. Sami met kuna nga isaruno, Dios ti mangted ti Naragsak a Paskuayo... Apo!"

"Ti Messsias Ari ti lubong, maipasngay iti kulluong. Nanumo ken ingget panglaw nga intay' pagwadan iti inaldaw-aldaw. 

"Ti Paskua ipariknana, ti rikna't panagiinnayat- awan koma't guranggura. Intay' ngad amin agragsak. Liday ken ladingit intay' iwagsak..."

"Naragsak a Paskuayo Amin, Apo!"

"Ta naisurat ken nai-letra, naisalaysay iti Santa a Biblia. Ti Anak ti Dios maipasngay ditoy daga, umay makipagbiag kadatay' a pinarsua..." ne, ala, 'maykayon kakabsat ta danggayantay' man ti grupo ni Bobby G. a makipaskua.

Request and Dedication:  "Aldaw a Nagasat," sabali manen nga orihinal a pamaskua a kanta nga isagut kadatayo ti Dios-ti-Aluadna Bobby Gutierrez, ti King of Ilocano Songs ken ti grupona.

"Agriingka man, Sabong a nanglaylay. Agmurmurayka, Apo a bumalay. Ta kadakami, inkay' makidanggay. Daytoy nga aldaw a napnoan pategna...

Ta naisurat ken nai-letra, naisalaysay iti Santa a Biblia. Ti Anak ti Dios maipasngay ditoy daga, umay makipagbiag kadatay' a pinarsua...

Nadanonanen aldaw a nagasat, naipasngayen ti Verbo a Messias. Ket ti lubong, anian a nagragsak. Paiwaliwalin gagayyem ken kakabsat..."

Naragsak a Paskuayo, Apo!

"Sakamto a paspasarunoan, tay paskuami dikay' liplipatan. Aguinaldo a kapapatgan nga inkamto met pagbibingayan... " ala kakabsat, isaganayon dagiti regaloyo ta nasapa nga umay makipaskua ni Bobby G. ken ti grupona

Request and Dedication: 

"No Magtengan ti Disiembre" ket maysa kadagiti duduogan a kanta ni Bobby Gutierrez, ti King of Ilocano Songs. Nabulod ti video/audio babaen ti imbag nakem ni Phallus.

Ala ngarud, Kailian. Sarabuentay' man ti bulan ti Disiembre iti ragsak, simbeng, ken talna kadagiti puspusotayo. Iwagsak ti apal ken gura ket pagarien ti kappia...

"No magtengan bulan ti Disiembre, nagpaiduma unay ti ragsakmi. Rambakantay' ti isasangbay ti Ari a mangispal amin nga umili..."

"Nagpintasen didiay a krismas tri, ken didiay parol nga inkay' inbisti. Tanda't paskua anian a ragsakmi, a dangdanggayan ti panagkankantami...

"Sangapada nga inkam patpatgen. Kablaawmi inkay' kad timuden. Simbeng, kappia, ken talnatay' amin."

"Sakamto a paspasarunoan, tay paskuami dikay' liplipatan. Aguinaldo a kapapatgan nga inkamto met pagbibingayan. "

"O, salda 'toy Biagko, Sika la't liwliwa. Bang-ar daytoy riknak, pagduyosan 'toy biag. Inggana't- inggana, Sikato't maymaysa. Nga ipangpangruna, ay-ayatenka..." intapat ni Bobby Gutierrez iti kanta a PATGEM MAN

Request and Dedication: "Patgem man, O, Biagko-- ayatko ken dungngo. Isapatak kenka, ay-ayatenka..."

"Nasantak, O, Imnas-- napudno nga ayat. Idatonko kenka, ay-ayatenka..."

"Inggana't- inggana, Sikato't maymaysa. Nga ipangpangruna, ay-ayatenka..."

Ala, imdengantayo man daytoy makaliwliwa a kanta ni Bobby Gutierrez [Nabirngasan nga Ari dagiti Kanta nga Ilocano] a napauloan iti  "PATGEM MAN."

Ti "Bituen Ti Agsapa" da Bobby Gutierrez ken Dolly Manuel, naiplaka idi 1969

Request and Dedication: 

Manong Baro: "Ay Biagko, kaasiannak. "

Ading Balasang: "Manong dimo kad riribuken 'toy pusok ken natalna  a riknak."

Manong Baro: "Siksika ti pagbiagak."

Ading Balasang:"Uray ta ayat diak mapanunot ti innak  isungbat."

Manong Baro: "Saranay ti inka yetnag."

Ading Balasang: "Dinak singaen, pangngaasim ta adaywannak."

Manong Baro: "Uray 'ton kaano, dika mailiwliwag."

Ading Balasang: "Manong, kastaak met uray inton ano dikanto mabanag. Ay Manong, patiennak."

Manong Baro:  "Ay Diosko, isurom kad' ti aramidek tapno kad masulisog ket maasi ti tentennaayen 'toy    pusok..."

Ading Balasang: "Isuronak met, Apo, ti nasayaat a banagko ta diak san magawidan ti yaannugot 'toy  pakinakemko..."
 
Hehe, nagmayat man a denggen ti panagdiga ti maysa a baro iti maysa a balasang idi tawen 1960s. Adda kaipapanan ken ibuksilan ti tunggal balikas nga iyebbet ti agarem. Kasta met a seguridad ti umuna a penken ti agawat iti agdaton no pudno met laeng nga ay-ayatenna...

BITUEN TI AGSAPA, a nagduetoan da Bobby Gutierrez ken Dolly Manuel. Naiplaka idi 1969 babaen iti KB Records.