Ay piman, ni Ading Balasang, ta naikulbo ken ayat. Nagayat ken ni Manong Baro iti napudno, ngem ne, dina impagarup a samuyeng ni ayat ti supapak ti panagayatna... Ala, denggentay' man ngarud ti kanta ni Manang Andrea Baptista iti panangbabalawna ken Manong Baro iti "Samuyeng ni Ayat."

Request and Dedication: Ay piman, ni Ading Balasang, ta naikulbo ken ayat. Nagayat ken ni Manong Baro iti napudno, ngem ne, dina impagarup a samuyeng ni ayat ti supapak ti panagayatna...

Ala, denggentay' man ngarud ti kanta ni Manang Andrea Baptista iti panangbabalawna ken Manong Baro iti "Samuyeng ni Ayat." 

Ni Andrea Baptista ket mannaniw, mannurat ken kompositor iti ilocano a kanta.

Samuyeng ni Ayat

ni Andrea Baptista

"Magmagnaak iti kalsada a nailet

  Nabannogak unay ngem sika la't pampanunotek

  Agsisimparat 'toy isipko bayat ti panagsangit

  Dagiti napuskol ken nalidem nga ulep...

  Maparparmatak ta makakayaw nga isemmo

  Maallingagko ta nalailo a timekmo

  Maduayyaak ket mairidepak kas maysa nga ubing

  Ti iliw ken gagarko ti nanggubbuayan daytoy samuyeng

  Maan-anninawak iti tawa a sarming ti agiinnayan-ayat

  Aglinlinnailoda ket apasko kas man la marunawak

  Ti anniniwanda sipsiputak inggana't mailingedda

  Ay, anian nga apalko ken samuyeng ni ayat

  Iyar-arasaasko ket makatitileng kas sulluobmo

  Dagiti aramidmo ket bin-ig nga inu-ulbod

  Inay-ayatka iti napudno diak man la impagarup

  A samuyeng ni ayat ti supapak 'toy kinapudno..."

"Apay, Biagko, a nalipatam di karim kaniak? Ay, nagulpitkan aya ta innak binaybay-an... sam-it ti ayatta nagbanag amin a liday. Ay, nagsaem ragsakko't nakeltay," kuna 'toy Balasang ken ni Manong Baro iti kanta a "Singsing ni Ayat."

Request and Dedication: "Daydi singsing ni ayat nga indatonko, Biagko.  Isu't salda pammaneknek a napudno't ayatko. Ket nagkarika met a dikanton manglipat. A sisiakto laeng ti inka ay-ayaten..."

"Apay, Biagko, a nalipatam di karim kaniak? Ay, nagulpitkan aya ta innak binaybay-an... sam-it ti ayatta nagbanag amin a liday. Ay, nagsaem ragsakko't nakeltay."

"Naim-imbag la ngarud a mauyosen 'toy biagko. Ta daksanggasat ni ayat, diak maibturan ni rigat. Denggem, ala, Biagko, ti maudi a dawatko. Daydi singsing isublim idiay tanemko."

Singsing ni ayat, tanda't napudno a pammateg ken ayat. Ngem ne, namaliw sa metten ti agos ti panunotmo ta nagalistoka a simmiasi idi nakakitaka't sabali.

Ala, imutektekantay' man ti kayat nga ibagasan ti nasao a kanta. Maisagut kadagiti amin nga agayan-ayat, dagiti nagayat, dagiti paayat, dagiti agayatto pay laeng, dagiti napaay gapu ken ayat, ken dagiti nangkeltay ti biagda gapu ken ayat... para kadakayo daytoy a sonata.

Nabulod ti video babaen iti imbag nakem ni Arsenio Romero, Jr., ken nagpaay a modelo iti video da Maricel Soriano ken Aga Mulach.