Makakulding iti kaunggan daytoy isensennaay ni Manang Andrea Baptista a kanta "Sapsapulenka" gapu iti nalaus unay nga iliwna ken ni ay-ayatenna. Piman, ar-arapaapenna a makapagdennada a dua uray iti apagbiit a kanito. Napartak ti panagtulid ti panawen, dida pay makapagpapas. Naginad ti oras nga adda paspasungaden, kasla dimo mapasangpet ayat nga ur-urayem. Apounayen! Nabileg a talaga ni Ayat!

Request and Dedication: Makakulding iti kaunggan daytoy isensennaay ni Manang Andrea Baptista a kanta "Sapsapulenka" gapu iti nalaus unay nga iliwna ken ni ay-ayatenna. Piman, ar-arapaapenna a makapagdennada a dua uray iti apagbiit a kanito. Napartak ti panagtulid ti panawen, dida pay makapagpapas. Naginad ti oras nga adda paspasungaden, kasla dimo mapasangpet ayat nga ur-urayem. Apounayen! Nabileg a talaga ni Ayat!

Ta kunana: "Sapsapulenka kadagiti dardarepdepko. Aw-awagak ta nasam-it a naganmo. Dumaw-aska koma no adda saparmo, ta ipapasko toy iliw, ken rugso ni karayo." Naggasat ketdin aya ti nangitalkanna dayta nga ayatna. 

Ala, iruknoyko man daytoy napnoan kaipapanan a kanta kadagiti agur-uray kadagiti ay-ayatenda, dagiti paur-uray, dagiti agay-ayat, dagiti paay-ayat, dagiti di pay nagayat, ken uray pay dagiti nalpay gapu ken ayat.

 

SAPSAPULENKA

ni Andrea Baptista

naka-base iti Hawaii a kumakanta ken kompositor manipud iti Isabela

 

Sapsapulenka kadagiti arapaapko

Tagtagaimpek ta nabara nga arakupmo

Mabalin la koma ta umayak dita yanmo

Ta agpapasta iti ragsak ken ayat a narugso

Sapsapulenka kadagiti dardarepdepko

Aw-awagak ta nasam-it a naganmo

Dumaw-aska koma no adda saparmo

Ta ipapasko toy iliw, ken rugso ni karayo

Napartak nga agtulid ti nasam-it a panawen

Dika pay makapagpapas iti denna ni ay-ayatem

Ngem naginad ti oras nga adda paspasungadem

Kasla dimo mapasangpet ayat nga ur-urayem

Sapsapulenka iti ayanta a lugar

Anian a kawa agmaymaysa nga agpasiar

Ala kadin Biagko kalikagummo ti umay

Ti pinto a langit agur-uray kadata

Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.

Request and Dedication:  Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.  Nayanak ni Mikaela diay America ngem makapagsao iti Ilocano.

Ni Mikaela Vien Bautista ket anak da Vhen Bautista [ti Prince of Ilocano Songs] ken Rosario Canto Bautista. Maysa nga orihinal a komposision ni Vhen ti kanta a "Nanang."

"Ni Nanangko, ay-ayatennak

  Adun dagiti rigrigatna kaniak

  Siam a bulan nga inaw-awirnak

  Ayatna la, ayatna la nga agbiagak...

  Awan ngatan ti kaanusan

  No ti saan, saan a ni Nanang

  Itedna amin nga inna kasapulan

  Agyamanak, agyamanak, O Nanang.

  Nanang, Nanang, sika't kapapatgan

  Pammagbagam nagalistokan

  Nanang, Nanang, sika't pagtamdan

  Silawka naurnos a pagtaengan."

"Kasla pagbabbabaywan, piman, daytoy Ading Balasang, iti pannakaisar-ongna a nagayat ken ni Manong Baro. Kunana a naranggas ni ayat a nagpasaranna iti sidong ti lalaki, sa ket dusa laeng ti linak-ammna..." iti kanta ni Grace S. a "Naranggas ni Ayat"

Request and Dedication:  Kasla pagbabbabaywan, piman, daytoy Ading Balasang, iti pannakaisar-ongna a nagayat ken ni Manong Baro. Kunana a naranggas ni ayat a nagpasaranna iti sidong ti lalaki, sa ket dusa laeng ti linak-ammna...

Ala intay man ngarud denggen no kasano ti panangyasug ni Grace Saddam iti kanta a "Naranggas ni Ayat," maysa nga orihinal komposision a pinaglatakna met laeng.

"Naranggas ni ayat, nakana naulpit, nasaem unay

  No makeltay ket pusom ti mabaybay-an

  Ta idi damona pategmo ti kasasam-itan

  Ngem nagbalin a naulbod karanggasan...

  Ta ngamin sika ti diak maawatan

  Nangandingay sanak itan, Biagko, baybay-an

  Naranggas ni ayat, rugso ken ragsak

  Inka man ida kineltay

  Dusak a nakaro agarubos luluak a di agsarday

  Ngem uray no kasta nga inka imbelleng napudno nga ayan-ayatta

  Dika pulos kagura ta addanto aldaw nga ayatmo agsublida

  Ta addanto kanito a maamirismo ida 

  Ti dakkel a biddut  agbabawikanto ti udi na..."              

"Apay, Biagko, a nalipatam di karim kaniak? Ay, nagulpitkan aya ta innak binaybay-an... sam-it ti ayatta nagbanag amin a liday. Ay, nagsaem ragsakko't nakeltay," kuna 'toy Balasang ken ni Manong Baro iti kanta a "Singsing ni Ayat."

Request and Dedication: "Daydi singsing ni ayat nga indatonko, Biagko.  Isu't salda pammaneknek a napudno't ayatko. Ket nagkarika met a dikanton manglipat. A sisiakto laeng ti inka ay-ayaten..."

"Apay, Biagko, a nalipatam di karim kaniak? Ay, nagulpitkan aya ta innak binaybay-an... sam-it ti ayatta nagbanag amin a liday. Ay, nagsaem ragsakko't nakeltay."

"Naim-imbag la ngarud a mauyosen 'toy biagko. Ta daksanggasat ni ayat, diak maibturan ni rigat. Denggem, ala, Biagko, ti maudi a dawatko. Daydi singsing isublim idiay tanemko."

Singsing ni ayat, tanda't napudno a pammateg ken ayat. Ngem ne, namaliw sa metten ti agos ti panunotmo ta nagalistoka a simmiasi idi nakakitaka't sabali.

Ala, imutektekantay' man ti kayat nga ibagasan ti nasao a kanta. Maisagut kadagiti amin nga agayan-ayat, dagiti nagayat, dagiti paayat, dagiti agayatto pay laeng, dagiti napaay gapu ken ayat, ken dagiti nangkeltay ti biagda gapu ken ayat... para kadakayo daytoy a sonata.

Nabulod ti video babaen iti imbag nakem ni Arsenio Romero, Jr., ken nagpaay a modelo iti video da Maricel Soriano ken Aga Mulach.

Request and Dedication: "Katuday..."

Request and Dedication: Maisagut daytoy a kanta ni Bobby Guttierez [ti King of Ilocano Songs] kadagiti pada a nangisit ti sikona a managsida iti "KATUDAY..." kas kada Romualdo & Gloria Joaquin, Peter Julian, Salvador Espejo, Jenn Mariane Peralta, Dennis Bagcal, Rodulph Joaquin, ken Hannah Sophia Pascual...

Daytoyen Charicel ti Requestmo..."Laglagipem, Awan Nagkurangak"

REQUEST AND DEDICATION: 

Kayat nga idedikar ni CHARICEL C. daytoy a kanta ken ni HUNNY LANCE... 

Manipud pay laeng ditoy studio ti "Sika A Musika 'Toy Pusok," ipatayabko man ngarud iti ere daytoy makapikapik a boses ti kakaisuna a naawagan iti "The Mellow Songtress ti Ilokandia" MELO SANTIAGO,  kanta a napauluan iti "Laglagipem, Awan Nagkurangak"