Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.

Request and Dedication:  Nanang, Nanang, sika't kapapatgan. Pammagbagam nagalistokan. Nanang, Nanang, sika't pagtamdan. Silawka naurnos a pagtaengan. Daytoy man ti inruknoy a kanta ni Mikaela Vien Bautista "Nanang" iti dungdungoenna nga Ina idi agtawen la iti lima.  Nayanak ni Mikaela diay America ngem makapagsao iti Ilocano.

Ni Mikaela Vien Bautista ket anak da Vhen Bautista [ti Prince of Ilocano Songs] ken Rosario Canto Bautista. Maysa nga orihinal a komposision ni Vhen ti kanta a "Nanang."

"Ni Nanangko, ay-ayatennak

  Adun dagiti rigrigatna kaniak

  Siam a bulan nga inaw-awirnak

  Ayatna la, ayatna la nga agbiagak...

  Awan ngatan ti kaanusan

  No ti saan, saan a ni Nanang

  Itedna amin nga inna kasapulan

  Agyamanak, agyamanak, O Nanang.

  Nanang, Nanang, sika't kapapatgan

  Pammagbagam nagalistokan

  Nanang, Nanang, sika't pagtamdan

  Silawka naurnos a pagtaengan."

"Kantaannak Man, O Tatangko," kuna ni Mikaela Vien ken ni Vhen ita nga aldaw ti "Father's Day."

Request and Dedication: "Kantaannak man, O Tatangko, denggek man ta putarmo. Kantaannak ta pangalak iti turogko," indawat ni Mikaela Vien Bautista, ti anak ni Vhen Bautista, ti nabirngasan a kakaisuna a "Prince of Ilocano Songs."

Ala ngarud, dagiti annak ita ti aglailo kadagiti Amma iti daytoy naisangsangayan nga aldaw ti Ama, "Happy Fathers's Day" kadagiti amin nga amma. Sapay ta dikayto koma agbalbaliw iti kinapategyo kadagiti pampamilia a binangonyo. Dakayo ti pundasion ti pagtaengan...dakayo ti kamangan dagiti annak...ti ayat ipaayyo kadakuada.

"Kantaannak Man, O Tatangko" ket sinurat ni Avelino Bautista.