Hmmm...nagrigat ketdi ngaminen aya ti mayadayo kadagiti patpatgen ken ay-ayaten iti biag. Ngem nasken nga agsakripisio para iti pagsayaatan ti pamilia. Dayta man ti kunkuna ni Noraline iti kanta nga "Uray No Narigat"

Request and Dedication:

"Uray no narigat, an-anusak. Napianto la maturposak daytoy kontrata..."

Hmmm...nagrigat ketdi ngaminen aya ti mayadayo kadagiti patpatgen ken ay-ayaten iti biag. Ngem nasken nga agsakripisio para iti pagsayaatan ti pamilia.

Dayta man ti kunkuna ni Noraline iti kanta nga "Uray No Narigat"

Uray No Narigat ( Kahit ano pa ma'ng Hirap )

by NORALINE DOMINGO

Arranged by Allen V Pascua ( KSA ) 

Recorded in Canada. 

Mix and re-mastered in KSA.

Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN... ALEXANDER REYES BARUT and NORALINE DOMINGO Diak Koman Lagipen

Request and Dedication: Dagiti orihinal a komposision ken nasurat a kanta a kinanta da VHEN BAUTISTA, MELODY SANTIAGO, NORALINE DOMINGO, ALEXANDER REYES BARUT, MARIE PRIETO ken MARIETA RAFANAN...


ALEXANDER REYES BARUT and NORALINE DOMINGO
Diak Koman Lagipen



Diak Koman Lagipen
Words by Rudy Ram. Rumbaoa
Music by Vhen Bautista
Music Arranged by Israel Allen Pascua
From the album "Mailiwak Kenka, Sweetypie" with Noraline Domingo

"Nagrigaten ti long distance nga ayat, itdenna ti iliw ken panaas. Naginad ti oras nga aglabas, gapu't karayo a di maipapas..."--manipud iti kanta a Long Distance nga Ayat a nag-duetan da Vhen Bautista ken Noraline Domingo

Request and Dedication: "Komustaka kadi itang, Biagko, Siak kadi pay ti malaglagipmo? No siak man bilang ti kas mo damagen sikat' innak ar-arapaapen.."

"No siak ditoy awan pagdanagam, kasarsaritak daytoy ladawam. Ket kada awagmo't telepono, isu't dengngep daytoy barukongko..."

Apounayen aya nga ayat. Ala, intayo man denggen daytoy makapailiw a kanta da Vhen Bautista ken Noraline Domingo a "Long Distance Nga Ayat" manipud pay la iti album a Homesick Versus Dollar.

I-promotetayo man daytoy baro nga album da Vhen Bautista ken Noraline Domingo a "Homesick Versus Dollar."

Request and Dedication: I-promotetayo man daytoy baro nga album da Vhen Bautista ken Noraline Domingo a "Homesick Versus Dollar."

Maysa daytoy nga Aweng & Biag Records Music Production in Cooperation with Lucky Sevhen Hawaii 2011.

Executive Producer: Rosa D. Lao
Producers:              Avelino Bautista & Noraline Domingo
Musical Arranger:    Allen Israel Pascua
Recording Studio:    PM Recording [Sampaguita]
                             and Aweng Records Studio, Rancho Cucamongga CA, USA
Recording 
Enginner:               Ruben Remperas
Production
Coodinator:            Pat Puncan
Art Work:               Jairus M. Manalo
All Songs Published by Aweng & Biag Music Publishing, Copyright 2011

Adtoy pay ti dadduma a kanta a linaon ti album:

 
Feature Song Ita a Lawas: 
KUENTAS NI AYAN-AYAT- Vhen Bautista
[Music by A. Baustista, Words by Josie Vitales]
 

Kasanon no nagur-urayka iti nabayag, ngem ti ur-urayem nga ay-ayaten ket saanen nga agsubli? Kasanon ti ayan-ayat? Adda kadi pay gundawayna nga agragsak ti naulila a puso? Intay man imdengan daytoy a kanta ni Prince of Ilocano Songs, Vhen Bautista iti kanta a SIKA LATTA, karaman pay laeng iti album da ken ni Noraline Domingo a Homesick Versus Dollar.

Request and Dedication: Kasanon no nagur-urayka iti nabayag, ngem ti ur-urayem nga ay-ayaten ket saanen nga agsubli? Kasanon ti ayan-ayat? Adda kadi pay gundawayna nga agragsak ti naulila a puso?

Intay man imdengan daytoy a kanta ni Prince of Ilocano Songs, Vhen Bautista iti kanta a SIKA LATTA, karaman pay laeng iti album da ken ni Noraline Domingo a Homesick Versus Dollar.


SIKA LATTA [M]

(Avelino N. Bautista)
Version of Vhen Bautista
From the album Homesick Versus Dollar
Arranged by Allen Israel Pascua

Di pimmanawka't dennak
Inkarim a sublianannak
Tapnon parukbosenta
Di rimmusing nga ayatta

Inur-urayka imnas
Daksanggasat ta napaayak
'Toy pusok ket nalpay
Nakaro a liday
Ta dikan mauray

Kayatko koma ti manglipat
Liniwliwak ti bagik ti arak
Ngem apay a no mausawannak
Agsubli met panaas

Sika latta ti iyik-ikkis na
Naulila a rikna
Sadinno man ti ayanmo ita
Kaasiannak koma
Denggem asugko kenka
Sika latta ti ipatpategko uray linipatmo
Ket no magsat to man 'toy angesko
Sikanto latta biagko oh wooh oh
Sika latta ingga't tungpal tanemko

Inur-urayka imnas
Daksanggasat ta napaayak
'Toy pusok ket nalpay
Nakaro a liday
Ta dikan mauray

Kayatko koma ti manglipat
Liniwliwak ti bagik ti arak
Ngem apay a no mausawannak
Agsubli met panaas

Sika latta ti iyik-ikkis na
Naulila a rikna
Sadinno man ti ayanmo ita
Kaasiannak koma
Denggem asugko kenka
Sika latta ti ipatpategko uray linipatmo
Ket no magsat to man 'toy angesko
Sikanto latta biagko oh wooh oh
Sika latta ingga't tungpal tanemko 

 

Iti panangidawat a mataginayon ti ayat a nabukel sapay ta di agkupas. Adda kadi pay mabalin a makatubeng iti napudno nga ayat- uray kadi pay inggana't tanem? Ala man ngarud, imdengantayo ti kanta ni Noraline Domingo a "Sika Laeng" no asino ti pangiruknoyanna daytoy a kantana.

Request and Dedication: Panangpasingked iti napudno nga ayat nga uray pay aginnadayo, dinto marakrak. 

Iti panangidawat a mataginayon ti ayat a nabukel sapay ta di agkupas. Adda kadi pay mabalin a makatubeng iti napudno nga ayat- uray kadi pay inggana't tanem?


Ala man ngarud, imdengantayo ti kanta ni Noraline Domingo a "Sika Laeng" no asino ti pangiruknoyanna daytoy a kantana.


SIKA LAENG
kinanta ni NORALINE DOMINGO
manipud iti back to back album da ken ni MELO SANTIAGO, "BACK2BACK"  



Diak man ammo no kasano
A sawek kenka, O Biagko,
A sika ti ipangpangruna
Ti pusok nga agduyos kenka

Sawem kaniak a sisiakto laeng
Ti ayatem ingga't tungpal tanem
Karik kenka dikanto ikalang
Wenno lumdaang

Sika laeng ti ay-ayatek
Kanayon a pampanunotek
Riknaem bara ti pammateg
A para kenka laeng

Ket sapay ta di agbaliw 
Panangipategmo kaniak
Agnanayon a nasin-aw 
Napudno ta panagayat

Ikarkaragko iti agnanayon
Ayat a binukel di agkupas
Awan makatubeng nga uray pay
Inggana ken tanem 

No nabayag a di nagkita ti dua nga agpagayam, kasta unay ti ragsak ken iliw ti rikna ti tunggal maysa no agsarakda manen. Ditoy a malagip dagiti inar-arapaap, no daytoy ket ragsak wenno liday, wenno nagbalinda a paset ken nakatun-oyan ti estado ti agdama a panagbiag... Kas koma iti daytoy a paset ti kanta da Vhen Bautista, ti Prince of Ilocano Songs ken Noraline Domingo a kunada, "Dua a dekadan ti napasag, Kasla layap a limmabas. Kunak no dita maragpat Ingge't atapna nga arapaap."

 Request and Dedication:  No nabayag a di nagkita ti dua nga agpagayam, kasta unay ti ragsak ken iliw ti rikna ti tunggal maysa no agsarakda manen. Ditoy a malagip dagiti inar-arapaap, no daytoy ket ragsak wenno liday, wenno nagbalinda a paset ken nakatun-oyan ti estado ti agdama a panagbiag... Kas koma iti daytoy a paset ti kanta da Vhen Bautista, ti Prince of Ilocano Songs ken Noraline Domingo a kunada, "Dua a dekadan ti napasag,
Kasla layap a limmabas. Kunak no dita maragpat Ingge't atapna nga arapaap."

Ala, ket no ana man daytoy a kunkunada, imdengantayo man ti bosesda iti sonata a "DUA A DEKADA" manipud pay laeng iti album a Homesick Versus Dollar.

DUA A DEKADA
Words & Music by Avelino N. Bautista
Arranged by Allen Israel Pascua
Sung by Vhen Bautista & Noraline Domingo
From the album Homesick Versus Dollar

No malagipmo sika ken siak
Adun a tawen ti naglabas
Maymaysa di arapaapta
Awan sabali no di agkanta

No agdanggay dagiti timekta
Kunada adu't maallukoyna
Kaskan la makalunag ti puso
Makaep-ep saem, ken limdo

Dua a dekadan ti napasag
Kasla layap a limmabas
Kunak no dita maragpat
Ingge't atapna nga arapaap

Dua a dekada a nagurayta
Tapno mabukel ti sonata
Nga inur-uray papagayamta
Musika namagwerret lubongta

Kunak idin no awan ti tsansa
A makadanggay gayyemko a kumakanta
Ta nagsina idi't dalanta
Ngem nagsarak gapu't musika

Dua a dekadan ti napasag
Kasla layap a limmabas
Kunak no dita maragpat
Ingge't atapna nga arapaap

Dua a dekadan ti napasag
Kasla layap a limmabas
Kunak no dita maragpat
Ingge't atapna nga arapaap
Dua a dekadan, dua a dekadan

Narigat ti mayadayo ken ni ay-ayatem uray laeng iti apagbiit a kanito. Ngem ti yaadayo maysa met daytoy a pakasubokan iti tibker ken pundasion dagiti agayan-ayat, kadagiti agasawa, iti iliw ti pamilia, kadagiti annak, gagayyem ken am-ammo. Intay man ngarud andingayen ni Noraline Domingo iti kanta a "Beinte Minutos Pay" iti inna panangyunay-unay a saan koma a lipatan ni ay-ayatenna tapno awan ti pakasidiran daytoy bayat iti kaaddana iti adayo a lugar. Ta para ken ni Noraline, dina kayat nga awit ti leddaang no di ket ragsak iti inna panangisagana ti napintas a masakbayan ti pamilia.

Request and Dedication: Narigat ti mayadayo ken ni ay-ayatem uray laeng iti apagbiit a kanito. Ngem ti yaadayo maysa met daytoy a pakasubokan iti tibker ken pundasion dagiti agayan-ayat, kadagiti agasawa, iti iliw ti pamilia, kadagiti annak, gagayyem ken am-ammo. 

Ditoy ti pakasubokan ti pateg ti nagkinnarian a ni kaano man, dinto mabual, mapekka wenno marsaak.

Intay man ngarud andingayen ni Noraline Domingo iti kanta a "Beinte Minutos Pay" iti inna panangyunay-unay a saan koma a lipatan ni ay-ayatenna tapno awan ti pakasidiran daytoy bayat iti kaaddana iti adayo a lugar. Ta para ken ni Noraline, dina kayat nga awit ti leddaang no di ket ragsak iti inna panangisagana ti napintas a masakbayan ti pamilia.

Ala ngarud, imdengantay' man...

BEINTE MINUTOS PAY

[Musika ni Avelino N. Bautista/Sinurat ni Rudy Ram Rumbaoa]

Kinanta ni Noraline Domingo

Manipud pay laeng iti album a "Homesick Versus Dollar

Back to back album of Vhen Bautista and Noraline Domingo

Beinte minutos pay
boarding timen biag toy biag
Agur-urayen ti pagluganak
dika mangliplipat.
Ta iti lugar a papanak
saanko nga awit ti leddaang
Ngem ketdi ti ragsak
isaganak masakbayan.

Wen dinakto lipatan
tapnon awan pakasidiram
Ta uray awanka't dennak
addaka't kaungak.
Dagitinto retratom
ken suratmo isuda't liwliwak
Ayat ken dungngom
sapay ta di marsaak.

Beinte minutos pay biagko
intanton aginnadayo
Agur-urayen ti eroplano
innakton sabali a disso.
Narigat daytoy a kasasaad
masapul nga awatenta koman
*Panaginnadayota
sapay ta awan maikalang kadata.

Beinte minutos pay
panawankan o ayatko
Nakalinian dagiti kakaduak
innakton umadayo.
Iti lugar a papanak
innak makigasanggasat
Gapu't kinakurapay a kasasaad
adaywak ti rigat.

Wen dinakto koma lipatan
dimo ilaksid ni ayat
Uray awanakto dita dennam
kanayonekto't agsurat.
Dagitoy ti rangtay
iliwko a dumanonto kenka
Kenka nga ay-ayatek
ken bang-ar 'toy kararuak.